أولاً افتكري إنك بكده بتهيني نفسك وكرامتك يمكن ساعتها تصيبك عزة النفس وتبطلي اللي بتعمليه.. ثانياً عشان تطبقي أولاً وتثبتي الفكرة في دماغك تخيلي أفعالك في حد قدامك بيعملها مع حد تاني شوفي هتبصيله إزاي وهتستحقريه وتستقليه قد إيه.. ثالثاً خليكي عارفة إن الوحيد اللي هيحبك بجد ودايماً هتكسبي في محاولاتك دي معاه هو ربنا عز وجل وكمان هو الوحيد اللي يستحق مجهودك اللي بتعمليه مع الناس وكمان هو الوحيد اللي حبه هيفيدك في حياتك أكتر من أي حد ممكن يحبك. ربنا يعزك ويجبر خاطرك ويريح بالك.

انتي مش مريضة.. وعمرك ما كنتي السبب ف اللي حصلك.. طبيعي لما بنكبر ف مكان مفيش فيه حب وأمان كفاية، بنطلع بندور عليه بره وبنجري ورا السراب.. وبنتشد للناس اللي بتعاملنا بنفس الطريقة اللي اتعودنا عليها.. حاولتي كتير وتعبتي عشان تكسبي رضاهم.. بس الحقيقة إن حبك واهتمامك غاليين أوي، ومينفعش يبقوا جايزة حد يجري وراها عشان يثبت لنفسه إنه يستاهل.. انتي تستاهلي تِتحبي من غير مجهود ولا معافره.. عارف إنك مش عارفة تحبي نفسك ازاي.. بس بجد مش عارفة عشان محدش علمك ده وانتي صغيرة.. الخطوة الأولى مش إنك تحبيها فجأة.. الخطوة الأولى إنك تبطلي تلوميها.. واقفي جنبها.. انتي قويه وكفايه انك اتكلمتي وعبرتي.. وخدي وقتك خالص.. بس بجد متظلميش نفسك أكتر من كده..

حاولي تخلي نفسك اولويه وما تسعي لأن حد يحبك حبي نفسك أولا

ده طبيعه الانسان عادي