بوست مهم جدا جدا سمعت حاجه حلوة أوي عن الوسواس القهري وعن طريقة العلاج الوحيده ليه .. بيقولك اللي عنده وسواس قهري مثلا في النضافه بمجرد ما بيجي في خياله أنه كدا اتوسخ من الفعل دا علاطول بيعمل حاجه اسمها ' فعل قهري" اللي هو "بيروح يغسل إيده" .. اللي عنده وسواس في الوضوء بمجرد ما بيجي يتوضي ويوصل ليه احساس ان العضو دا مجاش علبه المايه بيبدأ يعمل حاجه اسمها "فعل قهري" اللي هو "يقعد يغسل فيها تاني" .. اللي عنده وسواس خوف من مرض بمجرد ما بيقعد فتره مكشفش بيعمل حاجه اسمها "فعل قهري" وهي أنه علاطول" يروح يحجز ويعمل اشعه ويطمن علي نفسه" واللي عنده وسواس من نوبات قلبيه انه مثلا الوجع دا معناه أنه هيموت دلوقتي وكدا بيعمل وقتها حاجه اسمها "فعل قهري"وهو أنه "يرن علي طبيب أو بحد يلحقه" .. الافعال القهريه دي مُسكن بالنسبه للشخص بتشعره بالارتياح والاطمئنان وبتهدأ من أعراض الوسواس شويه فبيرتاح وبعدها يرجع تاني زي الاول العلاج بقا في إيه !! العلاج الحقيقي المكتشف والمُجرب إلي الأن واللي محدش يتوقعه هو إن الشخص يجبر نفسه يوقف يعمل الفعل القهري دا !!! يحس انه متوضاش كويس .. يكمل الباقي ويقفل المايه ويمشي يصلي حتي وهو كدا يحس ب نوبه ف يقفل تليفونه ويخلي نفسه يعيش جوا ضغط "اهي كدا كدا خربانه " يحس ان إيده فيها جراثيم وأمراض و و و يقول والله ما انا غاسل ايدي تاني خلاص خلي اللي فيها فيها .بمجرد ما يتغلب أول مره علي نفسه أنه يعمل الفعل القهري هيلاقي بشكل غريب جدا المره التانيه أعراض المرض قلت عن الاول .. وهكذا بالتدريج لحد ما يتعافى كليا المشكله كلها في عمل الفعل القهري لو بطل يعمله خلاص كدا هو انتصر علي الوسواس .. اللي عنده اي استفسار يسأل
لا توجد نصائح بعد
قدّم نصيحة