السلام عليكم، الحقيقه حصل موقف معايا النهاردة في لجنة الامتحان وحابب اشاركها انا دخلت اللجنه بدري النهاردة اول شخص، وبعدين دخل الفراش(عامل النظافة) المفروض انه يكنس الفصل ولكن هو قالي السلام عليكم، مسح اول ديسك وقال كفايه كده ومشى، مش اول مره تحصل فراش اخر عمل كده، الحقيقه انه مش غريب على معهد المراقبين فيه منعدمي الضمير غشاشين وملهمش شخصيه سايبن الطلاب تغش، ويجي بقى النوع التالت والاهم ودا الطلاب، من اللجنه الي انا كنت فيها هيطلع دكتور ومهندس ومحامي وظابط وهيطلع كل المهن، ولكن بالغش، الي بيخلق مجتمع فاسد من أول الفراش مرورا بالمدرس ثم الطالب....ثم الي جميع بقاع المهن والمجتمعات.. لو قررنا نبص من منظور الطالب الغشاش هنلاقي انه بيقول اغش بس ادخل الكليه وبعدين هتوب وربنا هيوفقني، وهنا نجحت خطة الشيطان... هو كل ما يتزنق هيغش، في الكليه هيقول دي أول سنه واصعب سنه نغش بس المره دي والسنه الي بعدها ياااه منهج جديد يلا نغش.. والسنه التالته دي بيقولوا عليها اصعب سنه يلا نغش... وتمر السنين لحد ما يتخرج ويشتغل وبرضو هيغش دي اول سنه لي شغل هغش بس المريض دا واكتب له دوا اي كلام لحد ما إيدي تاخد في الشغلانه ومش هغش، دي اول مره امسك مشروع ليا استنى هغش بس المره دي لحد. ما اتعلم وابقا مهندس شاطر ولف يقا على جميع المهن هكذا، والحقيقه هو عمره ما هيتوب إلا بمشيئة الرحمان "ان الله لا يصلح عمل المفسدين" ومن هنا المجتمع الفاسد، يامدرس يلا سبته يغش هتروح تكشف عند دكتور غشاش وبيتك هيقع عليك بسبب مهندش غشاش.... "من غشنا فليس منا"
طيب اي رايك أن مش ذنب الطالب الطالب بيكون من صغره في ابتدائي الي كانت بالنسبه له صعبه وكان شاطر فيها لكن بعد ما يخلص ابتدائي بيكون فيه نماذج معينه أنهم اصلا مش داخلين بمزاجهم لا غصب بسبب أبوه أو العيله يدخل يشرف العيله ب اي حاجه يدخل ولا يذاكر ولا نيله يواجه الطالب الشاطر و واحده واحده الشاطر يشوف أن الي مش بيذاكر والفاشل بينجح عادي وبعد كده يبدأ يزهق ويزهق ويمل ويبطل يذاكر ويعمل زي الفاشل يغش وال ن ظام لانه فاشل عموما فا المدرسين بيكبرو وكله بيعمل اعمي عشان كده كده الن ظام لازم يتغير عشان يواكب الجيل الي طالع ده مش بس الفراش ولا المدرس ولا الطالب في منهم شاف نجاحه حد تاني ميستحقش خده منه فا مش فارقه بيقول كده في دماغه بس
حسبي الله ونعم الوكيل في اللي يسمح بالغش تحت مسمى ما عادي يعني وفيه ناس مطحونة وتعبت بجد ليالي وشهور وتشوف ناس واخده كل حاجه ع الجاهز