احدهم يخلق الاعذار ليبتعد و الآخر يخلق الوهم ليبقي كام مرة كنا في علاقة سواء كانت صداقة او أي علاقة عموماً بتلاقي أن الشخص اللي معاك بيحاول يلاقي مليون عذر عشان ميكونش معاك و انت بتفضل متمسك و عايش جوا خيالك و الصورة الحلوة اللي بترسمها في دماغك عن الشخص ده مخلياك متمسك بيه و مش عايز تسيبة و شايف قدامك أدلة كتير و محبتك للشخص عامياك انك تشوف الحقيقة و تفوق بعد ما تاخد القلم صريح ليه بنعمل في نفسنا كدا موقف سريع حصلي كان يوم عيد ميلاد صحبتي و اليوم ده كنت هعمل فيه عمليه روحتلها قبل عمليتي بيوم عشان معديش عيد ميلادها عشان اكون معاها و ابسطها عشان بحبها و يوم عيد ميلادي فضلت اليوم كله في وهم و مستنياها تيجي اليوم كله مستنية و في الآخر مجتش ف اللي عايز حد و بيحبه هيعمل المستحيل عشان يبقي معاه و اللي مش عايزك هيلاقي مليون طريقة يخلع بيها من وقتها اتعلمت إن مهما كان الشخص ده غالي عليك اوعي تخلي محبتك ليه تكسر نفسك
اتعلمت اتجاهل كل حاجه ومثقش فحد حتي الابتسامه مني استخسرتها فيهم عارف ان المووضع مؤذي جدا بس لازم نتجاهل الناس دي عاملناهم حلو مكاناش فدماغهم مش مهم المهم اننا كنا كويسين وربنا شايفنا ودايما شايل الاحسن لينا
كل مره اشوف بوست زي كدا بحس ب احباط فظيع حاسه إني اتعقدت من الحب والكلام دا مع أني مجربتهوش قبل كدا