21 Apr 2026يشعر بـ متعب
أنا في رابعة حقوق (English Section) وعندي مشكلة بقالها سنين ومش عارف لها حل… كل مرة أقرر أظبط حياتي وأبدأ أذاكر… أتحمس يوم أو يومين وبعدين فجأة… كل حاجة بتقع مش بكمل 15 دقيقة بلاقي نفسي بسرح في خيالات أو الماضي أقوم أتمشى أو أمسك الموبايل بدون سبب طاقة غريبة ومش عارف أتحكم فيها ببقى عصبي جدًا… أي كلمة تضايقني وأقطع مع الناس مع إني أصلًا بحب الكلية والمذاكرة! الغريب بقى… طول الترم أكون ماشي كويس أول ما جدول الامتحانات ينزل… كأني بتشل مبعرفش أذاكر، أو أفتح قبلها بنص ساعة بالعافية الموضوع ده بدأ معايا من ثانوية عامة ولسه مكمل… حاولت أسأل أهلي، محدش عنده إجابة وحاسس إني تايه بين إني عايز أنجح… ومش عارف أتحرك لو حد مر بحاجة شبه دي… أو فاهم ده إيه ممكن يقولي أعمل إيه؟ حتى لو نصيحة بسيطة… هتفرق معايا 🙏
في دكتور عندنا في حقوق قال قبل كده للطلاب اللي مش عارفه تذاكر قال يا ابني اقعد في الاوضه لوحدك انت والكتاب وابعد التليفون عنك اقفله وابعده عنك وما تذاكرش افتح الكتاب واقعد قدامه وما تذاكرش بس ما تقومش من على الكرسي انا جربتها يومين كنت مخنوق منها فشخ بس غصبت نفسي لدرجه كبيره فشخ قد قبلت فكره المذاكره وقعدت اذاكر قبل بقى ما تعمل الطريقه دي صلي صليح علاقتك بربنا واسال الله التوفيق
انا في تانية حقوق اسكت انا زيك 😂
انا ف رابعه حقوق برضو و موضوع المذاكرة ده بايظ معايا خالص حاسه انى نسيت كنت بذاكر ازاى اصلا زمان
تانى😂؟