بقا عندى شعور غريب بانى خلاص مبقتش قادر اتعامل او اتكلم مع حد شعور بانى خلاص لا بقيت قادر اعمل حاجة او حتى اتحرك من مكانى حرفيا مبقاش عندى رفاهية انى ابدء من جديد نهائى بعد الوقعة دى شكلها كدا النهاية االى مفيش وراها بداية لأى حاجة تانية ابدا ...!!! للآسف مبقاش فيه حاجه اقدر اراهن عليها دلوقتى بقلب جامد .. لا ناس بتحبك وواثق أنها هتفضل تحبك ، ولا ناس متعشم فيها وواثق إنها هتطلع قد العشم ، ولا ناس مستني منها التقدير وبتلاقيه فعلاً دا حتي صبري وثباتي مبقتش قادر أراهن عليهم من كتر الضغوط وإللي الواحد بيشوفه بجد الحياه بقت صعبة جداً وبقينا عايشين في زمن مفيش حاجه فيه مضمونه أو علي الأقل نبقي متطمنين لفتره من ناحيتها .. الدنيا والظروف غيرت القلوب والنفوس ! مش بتهم الظروف ولا الدنيا بس خلاص مفيش فيه طاقة ان الواحد يغير اى حاجة بقيت حابب اتفرج ع المشهد من بعيد وبس حتى لو بتفرج ع كل حاجة وهيا بتتهد ..!!!!
صلي على النبي بس ايه كل اللي حاصل دا.....
متقساش على نفسك بالشكل ده. مجرد إنك قادر تدعم غيرك وتخفف عن الناس، فده دليل إن جواك قلب جميل ولسه فيه خير كتير رغم كل اللي شوفته. يمكن أنت تعبت لأنك كنت بتدي أكتر ما بتاخد، وبتستحمل أكتر من طاقتك، لكن ده مش معناه إن نصيبك من الراحة والحب والأمان مش موجود....حاول بس تشوف انت نفسك عايزه ايه من الدنيا وريحها....متبصش لحد حواليك طالما بتقول أنهم بلا منفعه...قدم انت لنفسك اللي محدش عرف يعمله...و متسيبش نفسك مع دماغك عشان الدنيا واللي فيها قست عليك....انت مش شخص وحش خالص...بالعكس....انت بس مش لاقي اللي شبهك والمفروض تفتخر انك نسخه مميزه عنهم كلهم.....انا معاك عموما لو احتجت دعم فأي وقت بس عشان خاطري بس متتعبش نفسك بحوارات الدنيا دي...خدها ببساطه هتلاقيها مشت برضو ببساطه...
يسطا انا فهمك بس الدنيا دي امتحان متشلش في قلبك حاجه خليك ديما مبسوط و راضي وقرب من رينا طلع صدقه شوف شغلك سيبك من الناس هترتاح ولله وربنا معاك و يعينك