30 Mar 2026يشعر بـ متعب
يمكن دي لاول مرة هتكلم عن مشكلتي بجد وهي ان انا ديما بحارب لوحدي في اي حاجة مفيش حد بيقف جمبي او يساعدني او حتي يشجعني بكلمة حلوة وتديني امل جربت اكتر من مرة ان ادور علي صحاب جديدة تكون نفس الدماغ وتفهمني لكن كل مرة بتبقي نفس النتيجة وهي ان بنيجي عند نقطة معينة وبنختلف لاني ببقي مستني كتير منهم ولكن برجع بخيبة امل حتي الحب فشلت فيه مفتكرش في مرة ان في واحدة اتعلقت بيا ولما جيت اخطب خطبت واحدة مكنتش شبهي واضطريت اسيبها الاهل مبيسندوش وانا اترميت في وش المدفع لوحدي ديما قلبي مكسور وخايف وقلقان وبحس ان الوقت بيجري وعمري بيضيع في خيبة الامل والزعل وكل ده بيأثر علي تركيزي واني عايز انجح وابقي متقدم ديما
انا معاك
كلما استحكمت حلقاتها فرجت ممكن ده يكون مفتاح لخطوة منك ديما السعي موجود وانت مطالب بيه بس النتيجة مش بتاعتك ومش مطالب بيها كل قلم بناخده في حياتنا ده عبارة عن خبرة بتنضاف لبيقت الخبرات عشان نعرف نستعملها صح لا يكلف الله نفسا إلا وسعها وطالما اتحطيت في الابتلاء ده يبقى انت قده مش لازم أنك سبت خطبتك عشان مفيش بينكوا تفاهم يبقى انت أو هي وحشين ممكن ده بيضيف تجربة للاختيار التاني الأهل مش بيسندوا ممكن ده يكون لبعدين انك تبقى عارف حجم المسئوليه اللي ابنك مكلف بيها وتقدر انت تساعده كل حاجه بتحصل في حياتنا ليها حكمة مش مهم نعرفها دلوقتي المهم بعدين ممكن اختيارتنا دلوقتي غلط بس الاختيار التاني هتبقى عارفني نختار ازاي وع كده هنختار اللي يصلحنا ويسندنا
بالنسبة للحب وكدا ف طز فيهم انت تستاهل ملكه وربنا وان شاء الله ربنا يرزقك بأنسانه كويسه وحاول تفكر فالموضوع بطريقه ايجابيه زي ان ربنا بعدهم عنك عشان هما مش شبهك او انك تستاهل واحده احسن عمتا حقك عليا انا انا عارفه ان الشعور دا بيبقي صعب🥹
اللي إنت حاسس بيه صعب بس مش معناه إن المشكلة فيك. حاول تاخد وقتك في اختيار الناس ومتفتحش قلبك كله من الأول. خف شوية توقعاتك عشان متتعبش، وركز على نفسك أكتر سواء في دراستك أو أي حاجة بتحبها عشان تحس بقيمتك من جوا. وحط حدود لأي حد يحسسك إنك لوحدك. صدقني صاحب واحد جدع أحسن من ناس كتير مش شبهك. ولو تقدر، اتكلم مع حد تثق فيه أو حتى مختص، هتفرق معاك. إنت تستاهل ناس تريحك مش تزود تعبك 🤍
متعليش توقعاتك بالناس ومهما كانت الرحله فردانيه اعرفي انك تؤجري عليها واتعودي على دا وتقوي بنفسك
سوري عالمقاطعة وانا فعلا متعاطفة مع شعورك بس ازاي بنحط بوست !!؟