معرفش ينفع أقول كدا أو لأ بس أنا أخيراً بعد حوالي سبع سنين عزلة بعيد عن الناس وعلاج نفسي وصراعات مع اهلي ومع نفسي طول الوقت .. بعترف إني حالياً محتاج حد أتكلم معاه ومحتاج مساعدة ومحتاج لكل نقطة دعم من أي شخص .. أهلي منعوني من الجلسات من حوالي سنة ونص ومن وقتها وانا مش لاقي حد اكلمه ويفهمني زي الجلسات دي وحتي قولتلهم مرة واحدة بس ولو كل اسبوعين او عشرين يوم حتي وانا محتاجها عشان معنديش صحاب ومبخرجش واتشوهت نفسياً بسببهم بس مفيش أي رد وكل اللي بسمعة ان السكة دي وحشة معرفش هي ايه بس هما قالوا كدا .. كل عزلتي وهلعي وحزني وقلقي وتوتري وكل شعور بشع انا بحس بيه كان ممكن ينتهي بحضن واحد من أمي بس محصلش .. مش بلومهم علي اذيتهم هما اتربوا واتعودوا علي كدا انا بس بلومهم عشان مخدتش مشاعر منهم ف اكتر وقت محتاجها فيه وكنت مغصوب أكل من زبالة أي علاقة وكل مرة برجع مكسور ومقهور زي اللي قبلها لحد ما وصلت لمرحلة اني مش فاهم حاجه ومش عارفه هو الوجع فين والمفروض يتعالج ازاي ومش عارف ولا مستوعب اي حاجة وبحاول أنكر الواقع بمليون طريقة .. اللي قدرت اوصل له اني محتاج مساعدة عشان مش عايز أرجع للفترة الوحشة دي تاني
صدقني اغلبيه الحاجات اللي بتشرحها انا عيشتها اينعم اتكلموا معايا وبيحاولوا معايا بس بيحاولوا مع حد يأس اصلا منهم وبقا شايف الاهتمام ده شفقه أو مصلحه لان اتعودت أمر بكل حاجه لوحدي
احنا مش بنقول احنا بنحاول لاننا اصلا المفروض نبقى قريبين اه بنسعى واه بنقع واه بنتلهى بس ممكن نبص من الناحيه الكويسه ليه منعتبرش دا بلاء وهو اصلا كدا ربنا عاوز يطهرنى من حجات زمان غلط عملتها من ظروف حكمت فيها غلط من مواقف غلط كل الضغط وكل التعب دا عشان بس يعلمنى عشان يقومنى خليك مؤمن انه عمره ما فى حاجه وحشه بتحصل للإنسان طول ما عنده رب كريم
تانى حاجه نحاول نبنى امان داخلى عندنا بمعنى اى انا موجود فى الدنيا دى عشان هدف ربنا مخلقنيش عبث انا مخلوق عشان احقق حاجه فى رساله لازم اعملها انا متخلقتش عشان اكون كدا اه الحمل تقيل اه الضغط كبير بس انا قوى من اى حاحه اقف قدام مرايتك كل يوم وقول الكلام دا لنفسك اتحدى نفسك محدش بيحب حد وهو ضعيف ومكسور الكل بيدوس عليه طول منتا جامد الكل يهابك يعملك ميه حساب بس تحت رضا ربنا من غير اخطاء تسعى فى كل خطوه انك ترضى ربنا وربنا هيراضيك
انت الامان اتكسر عندك من زمان ودا ممكن يكون له اسباب كتير سواء معامله سواء ظروف سواء شخصيه اتركبت غلط عندك او اتحللت بطريقه غلط من الناس كل اللى عاوزه منك دلوقت حاجتين مهمين جدا من غير جلسات ومن غير اى حاجه خالص الاولى. انك يكون ربنا كل حاجه عندك صاحبك وحبيبك تحكيله كله حاجه كانه موجود معاك هو كدا كدا موجود وسامعك وحاسس بكل وجع وكل تعب بس انت تكون متاكد من كدا دى اول حاجه
انا ممكن اساعدك
انا فاهمك واقدر اسمعك واساعدك