يا جماعه انا عايش ومش عارف انا عايز اي انا مخنوق جدا جدا وتعبان وموجوع من جوايا والله ألم وضيق صدر لا يعلم بيه الا الله وخوف بدون سبب معرفش من اي هل من الامتحانات اللي جايه ولا من اي بالظبط مش عارف بس انا حاسس اني مستنزف جدا مبعرفش احكي لحد انا حاسس ب ايه انا عندي ٢٢ سنه انا ولا مره ف حياتي جبت حد وقولتله انا مخنوق ومضايق وحاصل معايا كذا كذا معنديش صحاب كتير واحد من ايام ثانوي وواحد ف الجامعه ولا اتنين ومبعرفش اكسب حد مبعرفش اتكلم او اتصاحب علي ناس مبعرفش ابدا طول عمري من ابتدائي وانا كده لحد الجامعه المهم اني دلوقتي موجوع وقلقان ووحيد وحزين جدا مش عارف اذاكر ولا قادر اسافر للجامعه عندي سكاشن بكره والأحد عندي امتحانات عملي ومش طايق اعمل حاجه وقاعد ف صمت وسكوت ومستني السكاشن والامتحانات تيجي وتخلص حاسس اني معنديش طاقه بربع اقاوم بيها اللي دا غير الفاينل اللي بعد دا غير الفاينل اللي هيبدأ اخر الاسبوع انا تعبت يجماعه تعبت ضغط نفسي وعصبي انا مش مستحمل
في حاجتين اختار منهم او نفذ الاتنين عادى اكتب بوست طويل عريض زى ده كده و حط فيه كل اللى حاسس به أكن بنى آدم قدامك عاوز تحكى له و تفضفض بكل اللى جواك له اكلم بلغتك بطريقتك المهم انك تريح نفسك شوية او هات ورقة و اكتب فيها كل اللى انت عاوز تقوله برضو و ولع في الورق دى و بهدوء الدخان اللى طالع منها تصوره هو الكبت او الضيق اللى جواك او قطعها و قبل دول طبعا الحل الأمثل في ركعتين و فضفض بكل اللى جواك ل ربنا بلغتك و طريقتك انت أكن انت شايف الله عز وجل قدامك و صدقني هو شايفك و حاسس بيك و لعله امتحان لصبرك و روح بكره الجامعة و خلص اللى وراك علشان خاطر ان ده نعمة من ربنا ليك و علشان خاطر نفسك تستاهل النجاح
ممكن تتكلم وتشرح مشاعرك بعفوية هنا واحنا نسمعك ممكن ده يساعدك
يحبيبي احنا جمبك اهو