في الحالة دي بنحتاج نحب نفسنا اولا عشان نعرف مندوبش جوا حد و نتمحي ثانيا ثق انك مش هتبقي احسن طول منتا مستني البطل اللي ينقذك من وجعك و يحلي الدنيا ف عينك محدش هيعمل كده عشان دا دورك انت و واجبك اتجاه نفسك مهما كنت مهزوم محدش هيجي ينقذك مهما كان بيحبك طول منتا مدلدل ايدك مش هنعرف نشدك يعني انت محتاج تعمل مجهود عشان تبقي احسن اغصب نفسك تروح الجيم و اغصب نفسك تصلي و بص ف المراية و اتغزل بنفسك حاسس بالوحدة يا صديقي عشان مش مصاحب نفسك ولا مقرب من ربك عمرك ما كنت ولا هتكون لوحدك الدنيا ربنا فيها في كل حته و ملائكته في كل الارض

انا فاهمك وعديت بالموضوع ده كتير، اول حاجة كل سنة وانت طيب مقدما وان شاءالله سنة سعيدة عليك، عايزك تفهم ان مفيش اهم من انك تهتم بنفسك وتحبها وتبقى حنين عليها اهم من اي بشر، البشر وجودهم مش هيزودك ولا بعدك عنهم هيقلل منك حاجة، بس لما يجيلك الشعور حاول تفك نفسك وتعمل حاجة بتحبها وتريح دماغك وصدقني لما تتعامل مع الناس بلا مبالاة وانهم عادي مش فارقلك هتلاقي الناس هي الي بتقرب منك

هقولك حاجة يمكن تفيدك لاني فاهمة انت بتمر بايه .. حاول تهرب كل ما تجيلك الافكار دي اهرب انزل لف امشي كتير روح اتفرج على حاجة بوظ حاجة وارجع صلحها ماتسيبش نفسك لدماغك حتى لو اللي حوالينك سايبينك فاهمة ان ده صعب وان حتى ساعات كتير مش بيبقى فيه طاقة لده بس حاول ابتدي بس هتلاقي الموضوع اتحسن بنسبة بسيطة مش عارفة بيريحك ولا لا كلمة مش لوحدك اللي حاسس بده بس عشان احساس ان انت اللي منبوذ بس وكل الناس عايشة مع بعض ده كتير بيبقى مؤلم .. فأيوة انت مش لوحدك في الاحساس ده للأسف وكل سنة وانت بخير يا رب السنة دي تبقى أهون عليك ويتبدل فيها حالك للأحسن اتعشم في ربنا