ريلز الانستا والفيس شورتس اليوتيوب التيكتوك أكتر حاجة بتبهدل الدماغ حاليًا وبتضيع وقت أوفر والواحد مبقاش عارف يركز ف محاضرة ٥ دقايق لا ف مذاكرة ولا النوم بقا مظبوط وكل ما يتمسحوا برجهم تاني

اول سؤال حضرتك جاوبتى عليه فى تانى سطر المشاكل اللى بتواجهنى شخصيًا بسبب ده ممكن اعدهالك ١) مفيش تواصل إنسانى (انعدام ثقافة آداب الحوار) ٢) المصالح الشخصية أهم من المصالح المجتمعية ٣) مفيش تعاون إيجابى.. الفردانية طاغية ٤) الأذى النفسى بقى اسهل من الأذى الجسدى (الناس مبقتش تاخد بالها من نظراتها ولا كلامها ولا افعالها.. فبقت بتصحى من النوم ترمى قرفها على البشر وترجع تنام تانى) ٥) غياب الضمير بيخلق فجوة اخلاقية مابين الناس ٦) المادة اتحولت من الغاية الى الوسيلة ٧) علاقتنا بأهلنا وبأقرب الأقربين بقت سطحية ٨) الظروف.. البلد.. الامكانيات (اكتر ٣ حاجات هتسمعيها لو نزلتى تقعدى على اى قهوة بلدى وده مؤشر قوى إن مفيش وعى ٩) كل واحد بقى بيهتم بمنظره وعدد الفولورز والتريندات (ونسينا خالص الأهم من كل ده) ١٠) بقينا نصحى كل يوم الصبح واحنا عارفين اللى هيحصل (مفيش اى نوع من انواع المفاجئات/مفيش سعادة/مفيش حزن/فيه سؤال بيفضل فالبال "هنفضل لحد امتى كدة"

الفكرة إن كل ما الواحد يغوض أكتر ف الموضوع كل ما يستسلم وميحاولش أكتر ف أنا حاليا مبحاولش أصلًا مع إن الكلية صعبة (صيدلة) وأنا ف أصعب سنة فيها ولسا مذاكرتش أي حاجة ومشعارف ومبحاولش حتى لسا وهتبهدل بس لو بتسألني شايف أحسن حاجة نحاول بيها نبعد الحاجات دي عننا خطوتين تلاتة أربعة مثلا نمسح الأكونتات من التطبيقات وبعدين نمسح التطبيقات نفسها وبعدين نملى الوقت دا بحاجات أفيد ونقلل استخدام التليفون نفسه وف أوقات المذاكرة أو الشغل أو التركيز عمومًا نحط التليفون ف مكان بعيد عننا شوية كدا بعدنا الحاجة ٣ ٤ خطوات بس دا ف حد ذاته صعب

سوشيال ميديا توهان هتجوز امتى أنا عايزة ايه من حياتي ؟ طيب ليه مش بعمل الحاجة اللي المفروض تتعمل؟ مفروض أسيب الموبايل؟ خالص؟ طيب ازاي ؟ وهلم جرا😣

ال anxiety و ال overthinking مؤخرا من كنت التفكير و ال overthinking بقيت مصدعه دايما و جسمي بيدخل في panic mode و ممكن اقعد ايام كده بالرغم من كل ده محدش حاسس بيا اصلا :)