منذ 4 ساعاتيشعر بـ متعب
يجماعه انا تعبت من الذنوب خلاص جبت اخري مبقتش قادر ومش عارف اعمل اي اي معني واحد يعمل ذنب ويفضل يبكي بعده اي معني ان واحد يكون وهو بيعمل الذنب عارف ان الذنب دا مدمره ومدمر حياته كلها حرفيا ويعمله حاسس ان خلاص حياتي وقفت ومفيش مني ولا من حياتي ولا من اني ارجع كويس امل خلاص تعبت قولت مشكلتي وذنبي اي هو هنا كذا مره مع انه تقيل عليا اني احكيه وخلاص مبقتش قادر كنت حاسس ان الكلام هنا هيجيب نتيجه بس انا زي ما انا ف نفس النقطه بل بزداد سوء انا حرفيا جبت اخري الاخر حرفيا ومش شايف لدنيتي معني وانا كده خلاص مبقتش قادر تعب نفسي زياده عن اللزوم وتانيب ومفيش فايده سنين السنين ومفيش فايده يا ناس خلاص انا تعبت
بص مفيش تغير بيكون ف لحظتها ومحظش بينجح اما يذاكر صفحه انت مش وحش بس شيطانك انت قويته ع نفسك ومهنا بلغ كيد الشيطان فهو ضعيف وعشان تتغير لازم تبدأ بالنيه وكده قطعت ٨٠٪ من التوبه اهم حاجه ان تكون نيتك صادقه انك عاوز تتغير ومش عاوز ترجع تانى وباقى العلاج انك تستعين بربنا وتقرب منه وتشغل وقتك عموما ذنوب الخلوات بتبدأ اول منحس اننا فاضيين ولواحدنا فلو حليت المشكلتين دول فإنت كده مبروك اتعالجت وكل متحس انك خلاص تعبت خد شاور ساقع وابعد الفون عن ايدك ع قد مربنا يقدرك متمسكهوش وتصدق واكثر من الصدقات عشان تهزم شيطانك يعنى اول متزل رجلك وتغلط تانى اول مرة تطلع صدقه مثلا وبعدين صدقه وصيام يوم لله وبعدين تزود الصدقه وصيام وقيام ليل وهكذا لحد ما شيطانك يحس انه بيقربك من ربنا مش بيبعدك فيبعد عنك نهائي
بص انا فاهم انت بتتكلم عن ايه الموضوع دة مابيقفش في يوم وليلة بس حط لنفسك اهداف ملموسة يعني مثلا لو بتقع كل يوم حاول تبقا يوم ويوم وبعدين مرتين مرة في الاسبوع وحط بديل ليها العب لعبة كلم حد شوفلك هواية ذاكر وفي حديث عن الرسول في ما معناه ان ربنا بيفضل مع العبد اللي هو بيذنب ويتوب ويرجع تاني يكرر الدايرة وانه بيغفرله حتى لو كان على الذنب اومال انت فاكر التوابين اللي ربنا قال بيحبهم في القرآن دول مين ؟ تواب يعني كثير التوبة ، سهلة اهي وطول ما هو بيتوب ف اكيد ان فيه ذنب هو بيتوب منه كتير ودي حالتك ماتفقدش الامل وافضل قاوم وان واثق انك في يوم هاتقوم ❤️❤️