منذ 2 ساعاتيشعر بـ متعب
أنا بمر بفترة صعبة شوية بسبب الامتحانات. عندي العملي يوم الأحد، وبعده امتحانات الشهر، وبعد كده آخر السنة، وأنا بصراحة خايفة جدًا. مش عارفة أذاكر كويس ولا أنتظم، وكل شوية أفكر في الدرجات وخايفة أجيب نفس نتيجة الترم الأول أو أسوأ. بحاول أبدأ بس التوتر بيغلبني، وبحس إني تايهة ومش عارفة أعمل إيه بالظبط. محتاجة نصايح حقيقية تساعدني أهدى وأركز وأذاكر من غير ما الخوف يسيطر عليا بجد مرعوبه و خايفه اجيب ملحق و خايفه اعيط كتير اوي و مش عارفه اعمل اي بجد
خدي نفس عميق ، و هوني على نفسك...و ثقي في ربنا و توكلي عليه و خدي بالأسباب و اجتهدي و اسعي...و ادعي كتير لنفسك ، حاولي مش تخلي نتيجة الترم الأول تحجمك بل خديها ك درس ...أنك بتجربي...بتتعلمي ....مفيهاش حاجه يعني و مش تخافي و لا تقلقي رزقك مكتوب ليكي ف اهدي و اعرفي أن حتى الأكل اللي بتاكليه من قبل ما يتوجد على الأرض مكتوب ليكي ف متتوتريش و ان شاء الله خير أيا كانت النتيجة ...ربنا يعينك و يخفف عنك و يوفقك