منذ 6 أياميشعر بـ وحيد
انا خطوبتي اتفسخت من كام يوم و مش عارفة اتخطي الموضوع نهائي حاسة اني اتظلمت كل اللي حصل دا علي مشكلة تافهة كان ممكن تحل بمكالمة تليفون لكن هو مادنيش فرصة ادافع عن نفسي و لا هو اللي اتلكك علشان يمشي في واحده تانية ولا هو ماحبنيش من الاول دي كانت أول ارتباط حقيقي ليا انا موجوعة اووووي
احساس الزعل والوجع دا طبيعي بس انتي شايفه أنه عمل حاجه علشانك هو لو كان بعلاج بيحبك أو متمسك بيكي كان هيعمل المستحيل عشانك مش يتلكك عشان يمشي بسبب مشكله تافهه انتي المفروض متزعلش قولي الحمد لله أن الموضوع خلص في أوله عارفه أن الموضوع بيوجع بس بجد شويه وقت وكله هيكون كويس و والله ربنا هبعتلك حد يعوضك ويكون احسن منه الي تحسي أنه سابك بسهوله متزعليش عليه
تخيلي لو اتجوزتيه وسابك مش توجع أكتر ؟ تخيلي حبتيه واتعلقتي بوجوده أكتر وسابك مش توجع أكتر؟ تخيلي كان بيحب واحده تانية وفضل معاكي وخاطبك مش توجع أكتر؟ ـ نصيبك لسه مجاش والله هو لو خير وربنا مقدرة ليكي محدش يعرف يبعده عنك ولو اجتمع أهل الأرض كلهم علي ده ولو ربنا مش مقدر ان انتوا تكونوا لبعض مش هتكونوا لبعض ولو اجتمع أهل الارض كلهم علي ده ( رب الخير لا يأتي إلا بالخير )
ربنا لما بيحب حد بيظهرله حقيقه اللى حوليه، والشخص داا مكنش مناسب ليكى مع اول موقف ظهر فيه معدنه الاصلى سيبك انتى من اول كام يوم دى حلاوه البدايات الشخص الحقيقى اللى بيظهر مع المواقف الصعبة تتخانقوا وتشدوا مع بعض بس فى اخر المكالمه مثلا ميقدرش يسيبك زعلانه، يرضيكى بكلمه يحاول يسمعك.. صدقينى والله خير ليك.