هو انا ممكن اعرف حاجة ! هو اي يخلي واحدة مشافتش مني غير كل خير واهتمام وعطاء.. تكذب عليا ؟ ليه بجد اول ما تشوفني تقولي مش تقولي انك جايه ! مع ان مامتها عارفه.. ازاي بجد ابقي في زيارة عندهم.. وقاعدين وهي دخلت اوضتها وانا قولت اننا همشي ومامتها بتقولها تعالي سلمي علي فلانه .. قافله الباب وتقول سلميلي عليها ! وتقوم مامتها قايلالي فلانه بتسلم عليكي انا مردتش.. بس انتو متخيلين الموقف .. والاوضه بين الباب خطوة حرفيا ! مع ان والله لما تيجي البيت عندنا بتتعامل معاملة خمس نجوم حتي وهي ماشيه لحد باب الشارع ناقص من كتر اللطف اشيلها والف بيها .. ليه عملت كدا ؟ مع ان احنا كنا قريبين جدا انا كنت معتبراها اختي وكل حاجة .. مرة واحدة حسيت ان قدام واحدة معرفهاش .. واحدة حسستني قد اي ان انا انسانه ساذجه وغبيه واستاهل كل اللي جرالي .. بجد اتخطي ازاي شعور بالخذلان وشعور بجلد ذات رهيب وازاي قادرة تتعامل معايا عادي كدا وعايزانا نرجع زي الاول دا مش هيحصل اصلا .. وانا اصلا مش في دماغها زيي كدا بس بجد انا مقهورة مبقتش طايقه اسمع سيرتها ولا اسمها ولا حتي اشوفها ولا عايزة ابص في وشها ، بجد اتقفلت منها بشكل مش طبيعي ، ازاي بجد ارجع طبيعيه واهدي بدل العركة اللي دايرة جوايا ، مجبرة اقابلها في المناسبات والتجمعات العائلية لانها قريبتي للاسف ، واي اللي يخلي انسان ديما لبسه كله جديد .. لما انا اجيب طقم جديد الغيرة تشتغل ووشها يجيب ميت لون ليه ! مع ان انا مش بغير منها ! بس من كتر ما بقيت فاهمه من كتر ما بقيت شايفاها وعيون فضاحه وعارفه بتفكر ازاي وبفكر في طريقتها اكن اللي فيها بقي فيا مع ان هي متشغلنيش في حاجة .. انا اتأذيت وبعدت وكنت فاكرة اني ارتاحت بس انا مرتاحتش بل انا في عذاب وصراع جوايا واحساس بالوحدة واني وحيدة بلا اصحاب .. ازاي اتخطي الاذي اللي سببته دا بجد ازاي رأيكم اي في الموقف الاولي اللي ذكرتها تحليلكم اي