مش مهم النسيان المهم تسامحي و تتصالحي مع نفسك ماتقوليش انه الغلط فيكي انت، خليكي واثقة من نفسك و انه هو الخسران في النهاية الله بعدو عليك لانه مش خير ليك و عمرك ما هتعرفي ليه هو شر حتى تتعرفي على واحد فيه الخير و حيكون راجل ماشاءالله و هتتأكدي انه اللي راح كان زي الضلمة مسيطر و اناني.

بصي عن تجربه مع مواقف زى دى الوقت كفيل يعديكى من كل ده هو خلاص درس وإتعلمنا منه فحاولى تشوفى نفسك والمواقف وتتعلمى منها الصح وإزاى فى علاقتك الجايه "بشكل حلال" تكونى اكثر وعيا فى إختيار شريكك وإن لو حتى حبيتيه بس فيه عقل بيوريكي العيوب والمميزات وايه اللى تقدري تتعاملى معاه وايه بالنسبالك لا وتختاري الأنسب بالنسبة للوقت فخدي حقك فى الزعل عادي بعدها كملى حياتك وشوفى حياتك ماشيه إزاى سواء كلية أو شغل وإنغمسي فى كل ده والوقت كفيل يهدي قلبك وعقلك ومش لازم دايماً إجابات لكل أسئلة دماغك لو إنتى أوفر ثينكنج زيي حاولى تهدي التفكير وإن إنتى مش غلطانه وتستاهلى الأحسن

طب أنا متفهم كلامك وموقفك بس حضرتك بعد كل اللى ظهر ده منه وإدراكك إنه مش مناسب يبقى لازم تاخدي قرار بالإبتعاد الحب حلو لكن لوحده صعب ومش كافي للأسف والموضوع مؤلم لكن الحب مع وجود عقل وتفكير فى إختيار المناسب بيكون أحلي وسبب الحب ده كان بدايات ؟ ولا ممكن زى ما نقول خيالات بينك وبين نفسك لأن ناس فعلاً حبها بيزيد بسبب تخيلات فى بالها بعيداً عن أرض الواقع

هو ليه القصة متكرره عند بنات كتير ؟ وده سؤال بجد ؟ أنا فعلاً مش بتريق بس ليه بنات كتير بتحصل معاها حتى حصلت معايا أنا شخصياً مع بنت بحبها هل قرارات البنات ساعتها مبنيه على عاطفة بشكل أكبر أو عدم نضج أو لحظات غضب ؟ ولما ييجي بعدها وقت بيحسوا إنهم عاوزين يرجعوا فهل ده بسبب بس إشتياق أو الشخص وحشهم ولا فعلاً فيه منهم بيحس إن لا كان ممكن تتحل والموضوع ده ميحصلش ؟