ازيكم انا قعدت مع نفسي وجيت اراجع العيوب والمميزات فيا لقيت اني شكلي حلو قلبي طيب دمي خفيف فيا عيب اني مليانه شويه الموضوع دا عاملي مشكله في حياتي مش عارفه البس كويس مع اني زوقي حلو اوي في اختيار اللبس .. مش عارفه اتصور بالكاميرا الخلفيه .. مش عارفه اخرج مع صحابي حاسه ان فيه جزء كبير اوي من شخصيتي مستخبي بسبب الموضوع دا وفيه حاجات كتير عايزه اعملها في حياتي بس واقفه .. لما باجي اخرج مثلا وبحط ميكب في المرايه بنبهر بشكلي بس لما اخلص واجي ارجع ورا شويه عشان اشوف الاوتفيت الانبهار بيرجع للصفر انا معنديش مشكله مع healthy food وبقدر استحمل النظام الجديد في الاكل او الجيم بس مشكلتي ان معنديش صبر استنا لشهور وبزهق بسرعه حصل النهارده موقف في المواصلات انتهى ب ان السواق قعدني قدام😂😂 والموقف دا خلاني مكتئبه ونفسيتي صفر طول اليوم .. المهم انا هحاول للمره الالف اعتقد ،، وهرجع للبويت دا كل ما ينفذ صبري او الحماس يقل + مستنيه منكم كومنتس تحفزني عشان دا بيفرق اوي بيني وبين نفسي وشكرا ❤️
انتي بنفسك قولتي مزاياكي ف خليكي مركزه فيهم و الشكل دا اخر حاجه ممكن نفكر فيها عمتا ركزي دايما علي المزايه بتاعه الحاجه مش العيوب هتلاقي نفسك دايما حلوه كدا و عمتا موضوع انك مليانه شويه دا حاجه تحفهه و لو خدتي بالك الناس بتحب تتعرف علي الناس دي عشان قعدتها الحلوه و اخر حاجه اقولها خليكي واثقه ف نفسك عشان طول ما الثقه دي مش موجوده يبقي كل حاجه مش هتمشي♥
أنتِ جميلة و جدًا، ومهم تحبي نفسك وتثقي عشان دا ينعكس عليكِ والناس تشوفه وتبادله معاكِ، متعمليش حاجة عشان الناس كدا كدا مش هيبطلوا كلام، فـ أعملذ عشان نفسك وبس، مثلا عشان صحتك قدام، الحركة وتلبسي وتتبسطي، أعملي دا عشانك أنتِ، وكل مـ تفكري ترجعي تخيلي شكلك بعد ما توصلي للنتيجة إللي أنتِ عايزاها، و رددي إنك هتقدري وهتكملي وأنا بأكدلك إنك هتحققي دا🤍💪.
بصي يا جميله الوزن مش مقياس للجمال ولا القباحه ومافيش انسان قبيح. انا هقولك علي حاجه انا واحده بتعلم لغات كتير اوي الحمدلله. كنت بتكلم مع ولدين. الاتنين اعجوبا بيا بالمناسبه بسبب شخصيتي وحماسي وبتعلم وكدا. واحد عيونه بني وشعره اصفر وبنات كلها بتجري وراه ومعضل واي حد فعلا يتمناه. بس الشخصيه نوو قبول بجد سيبك من المظهر. شخصيه مافيش. التاني صيني 130كيلو معاكي هو مش ملفت زي الاول بس لطيف اوي شخصية جميله قلبه بستان ورد. انا معاكي المظهر بلفت. بس الناس الي بتختار في النهاية الشخصية واللطف لان دا الي بيكمل مش الوزن ولا حاجه. جمال الجسد يفني كما تفني الزهور جمال الاخلاق والقلب يبقي علي مر الدهور! المهم يلا نعمل روجيم انا وانتي لان انا كمان بامانه وزني زاد. هل دا يسبب مشكله لاطبعا لو هخس مش عشان حد بس عشان الصحه مع ان انا مع الناس الي بتحب الاكل ناس مش بخيله خالص ❤😂 وانا منهم.