فكرة اني مش عايز اكون موجود في الحياة دي سيطرت عليا اوي بقالها كام شهر ماما كانت قاعدة معايا دلوقتي ف بتقول لي فجأة نفسك في ايه؟ كل اللي جه في بالي اني نفسي اموت بدري ومش عايز اعيش الحياة دي، بس اكيد مش هقولها كدة فقلتلها اني اعمل log out من كل حاجة في حياتي واعيش في حالة ليس لها مكان ولا زمان انا مش عارف ليه بقيت محبط اووووي كدة انا بجد غضبان من نفسي عارف لما تبقى كاره نفسك ومش شايف انك تستحق يكون ليك أي حاجة حلوة في حياتك، وفي نفس الوقت حاسس انك مستعد تخسر كل حاجة عشان بس تفضل واقف في مكانك، بس في نفس الوقت مش قادر تعمل ده بسبب انك معلق ناس بيك وانت داخل على اكتر فترة حرجة دراسياً والفترة دي انا لو وقفت فيها كل حاجة هتبوظ، برضو بعمل ده عشان انا معلق ناس بيا مش اكتر عارف جلد الذات اللي بينزل عليك على كل حاجة في حياتك، انا فاشل مع أهلي وفاشل في دراستي وفاشل في حفظي وفاشل في صحتي وفاشل في كل حاجة بقا عندي احساس بالذنب مستمر تجاه أهلي واني عالة عليهم واني ابن مقرف، وجت فترة كنت مقتنع انهم مش بيحبوني عشان هما مينفعش يحبوني فعلا، في يوم تعبت فيه ابويا عيط عليا من الخضة، انا وقتها حسيت قد ايه انا جاحد وقد ايه انا مش بوفيهم حقهم وقد ايه انا بارد معاهم كل يوم بقى عايز اللي حواليا كلهم يموتوا عايز افضل لوحدي مش عايز حد من أهلي يفضل موجود انا جاحد اوي وبكرهني
كنت مكانك في يوم ففاهمه جدا شعورك روح لدكتور نفسي عشان فيه احتمالية يديك علاج يهدي من الافكار دي وبعدها تبدأ تفهم معه انت لية واصل للدرجة دي من الاحباط و غالبا اكتئاب وتفكوا عقدة عقدة هو ده الحل بناءا عن تجربتي ربنا يهون عليك بس بردو بناءا عن تجربة صدقني انك تخلصها مش هو الحل طبعا لأنه حرام لا جدال بس انا جاية من حتة عتمة ودلوقتي بكلمك من النور الحمد لله و بقولك هيفونك حاجات انت مش متخيل في اللحظة دي انك ممكن تعيش كمية السعادة والنجاح و الحب ده انت مش متخيله لانك في العتمة بس هو فعليا وارد جدا يكون حواليك دلوقتي وده دور الثرابست او الدكتور
متبقاش قاسي على نفسك ، أنك تكون بتحاول علشان أشخاص معينة مش عشان نفسك ده ظلم لنفسك ....و جميل أنك تحب أهلك بس مهم أنك تحب نفسك و تعرف أنك تستاهل حاجات كويسة...تستاهل تحاول....و لو وقعت مرة مش معناها فاشل بل بتجرب.....بتتعلم مفيهاش حاجه يعني.....كل حد فينا جواه حاجة كويسة بس حاول تخرج الحاجة دي ....حاول ترجع للطريق تاني......ادعي ربنا و قول أنك نويت تتغير .....أقرأ قرٱن هتحس بهدوء داخلي.....حاول ترجع للمذاكرة واحدة واحدة.....يعني مثلا 30 دقيقة مذاكرة و بما تخلص كافئ نفسك و لو مخلصتش عادي المهم إنك حاولت....و يا سلام لو تعمل جدول يومي للامتنان يخليك تشوف الجوانب الكويسة من حياتك.....ربنا يعينك و يخفف عنك و يوفقك
كد كد كل حاجه بتبقا فتره حياه نفسها فترات وهى نفسه فتره فحاول تسعى وتجاهد تخلى فترتك هنا تكسبك فترتك فوق