منذ 3 ساعاتيشعر بـ محبط
لازلت مستمر مش فاهم ايه معني الحياه معني عميق مش حب جواز فلوس لا! ايه الهدف الحقيقي للحياة و ازاي توصل للسعادة لأن فكره الان ت حار للأسف بقت بتجيلي كتير و لولا اني عارف ان اخرها هموت كافر كنت عملتها انا مكنتش كدا زمان بس بعد وفاة امي كل حاجه اتغيرت و محدش بيقف مع حد ولا اخ ولا اب ولا قرايب ولا صحاب ايه الحل هل في حد مر بنفس المعاناه دي؟
الهدف العبادة والطاعة لله وعمل الخير احنا هنا عشان الجنة مش عشان نفضل هنا ولا نتبسط هنا لو الراحة جت خير وبركة ماجاتش ف نسعى نبقى أحسن ونعبد ربنا ونطيعه لحد ما نبقى ف المكان اللي احنا عايزينه كلنا اللي هو الجنة
إعمل زيارة لدار أيتام - فضي جيوبك أولا وإنزل إعمل جولة ف منطقة عشوائية تحت خط الفقر - عدي على منطقة تحت الإنشاء وشوف العمال شغالين ف أنهي ظروف - عدي على أي ميدان بيتجمع فيه فواعلية منتظرين أي فرصة يشيلو كيس رمل للدور ال١١ او يكسروا حيطة ف درجة حرارة ٤٥ .. وقتها هتحس بقيمة الحياة وتحمد ربنا ع أي وضع إنت فيه .. انا شخصيا لما نفسي بتقوم عليا وبحس بإنعدام الهدف بركب اوتوبيس نقل عام او مترو والاحظ اللي حواليا
كلنا مرينا بنفس المعاناة بس القليل الي فاقو و عرفو الحقيقة انو نطيع ربنا و رسولو و و نبعد عن المعاصي و الحرام لانو الشيطان طول ما انت عايش هيحاول يبعدك عن الطريق بكل الطرق خليك فايق و دائما تب الى الله و متخليش الدنيا تزعلك و تبعدك عن الهدف الحقيقي لو كانت الدنيا تساوي عند الله جناح بعوضة ما سقى الكافر منها شربة ماء 👍