جماعه فعليا انا حاسه انى مضغوطه وتايهه حرفيا مشاكل كتير وضغط كتير من غير دخول فى تفاصيل بس فعليا اعصابى مشدوده دا غير انى يعتبر منعزله نسبيا مليش اختلاط اوى بالناس ومعارفى عددهم قليل وصحابى يعنى اه ناس كتير تعرفنى بس معرفه سطحيه من بعيد لبعيد ان دى فلانه مش اكتر لكن ناس قريبه منى او بتعامل معاهم حرفيا يتعدو على الايد ساعات بحس الضغط والوحده وكل اللى انا فيه ده واللى صابره عليه ربنا هيعوضنى بحياه احسن مع شخص كويس ومناسب ليا فعليا انا مش عاوزه ارتبط بس نفسى استقر يعنى ساعات بحس ان لا لسه بدرى واعيش سنى وبلاش ضغط بس اوقات كتير بحس انى محتاجه استقر ونفسى يبقا عندى اولاد اربيهم واعيشهم حياه كويسه ساعات بحس انى محتاجه شخص مناسب بس ويعوضنى بس مش ارتباط علشان معروف نهايته ولا بكتب الكلام ده دعايه انى عاوزه عريس بس حقيقى حاسه انى محبوسه ولو جه الشخص المناسب حياتى هتتغير وفى نفس الوقت جوايا خوف انى افضل اوهم نفسى وفى الاخر ماخدش واحد زى ما نفسى او اعيش الحياه البسيطه الهاديه اللى نفسى فيها مجرد دفاء وحنيه اسره وتفهم بينا