جماعه انا من سنه بالزبط كنت التزمت وقبلها مكنتش اعرف اي حاجه عن ربنا حتي شايفه ان الصلاه حاجه مش مهمة وان اللي بيصلي دا شيخ المهم ربنا قربني من تبرح ل نقاب وصلاه ونوافل وكل حاجة وبقيت احفظ قرآن واسمع تدبر وتفاسير وكان قلبي في العباده اللهم بارك وحتى بقيت بدعو الى الله وكان عندي احساس قوي انني عايزه اعرف البنات الكلام اللي انا عرفته عايزه اكون سبب في هدايه حد من المستنقع اللي هو فيه وبعدهاوقعت في ذنب من ذنوب الخلوات شقلب حياتي ورجعت تاني لحياتي القديمه ما عدا الاغاني لأني بطلتها بطلوع الروح بقيت اصلي فرضين في اليوم لابسه النقاب عالفاضي بدل ما كنت بترعب لما بغتاب بقت عادي جدا بالنسبالي بل بقيت اخاف اغتاب عشان محدش يتصيدلي اخطاء مش عشان كنت خايفه اوي من ربنا وحقوق العباد زي الأول وصلت لمرحله كارهه نفسي وحياتي ومعرفش ايه وصلني لكدا فعلا القلوب بين اصبعي من اصابع الرحمن يقلبها كيف يشاء انا بقيت لما اتوب فتره انتكس بعدها بكام يوم مرعوبه اشد الرعب ان معرفش التزم تاني وادخل النار واتعذب في القبر وتفوتني الجنة الدنيا صعبه اوي اوي اوي والاختبار تقيل دلوقتي مع اني كنت مستمتعه بالالتزام في البدايه بس معرفش حصلي ايه
الإلتزام والتوبة والطريق إلى الله مش بيكون فى الفترة الأولي اللى هى كلنا بنحس فيها بكده. الإلتزام الحقيقي لما ربنا بيحطنا فى إختبار عشان يختبر فيه صدق توبتنا إليه وعبادتنا فاللى إنتي فيه إختبار من ربنا ليكى وهو شايفك ومنتظر منك هتعملى إيه هل آه حتى لو إنتكستي هتعافري وترجعى وتحاولى ولا هتبعدي وتنسي فكل ده إختبار من ربنا لعباده
و بردو ممكن تكوني حسدتي نفسك لما وصلتي لدرجة في العبادة كويسة ...اعملي اللي بقولك عليه عن تجربة والله ..اغتسلي بوضوءك ..يعني اتوضي و خلي المياه بتاعت وضوءك تنزل في إناء اتوضي 5 مرات مثلا لحد ما تملي الإناء أو الجردل ..وبعدين اغتسلي به ..بس لما تتوضي تكوني لسة ماغتسلتيش يعني شرط لما تغتسلي يكون جسمك ناشف ويكون اول مياه تنزل علي جسمك هي مياه الوضوء ..سمعتها من الشيخ ايمن عبدالجليل عن حديث عن الرسول صلى عليه وسلم
يارب امين ربنا يهديكي ويصلح حالك ويهديني وادعيلي❣️
يارب بجد ويتوب عليا انا كمان ..طب ما تتجوزي يعني شوفي ده اوبشن انا صعبان عليا وحاسس بيكي ان شايفه لابسه نقاب وبتعملي ده وانا بحس نفس الاحساس. بس مش قدامنا غير الصبر
خلي بالك الشيطان ذكي جدا و عارف مدخل كل واحد فينا ..اذا كان احنا البشر لما واحد يكون ليه علاقات كتير يقولوا ده صايع و بيعرف يقنع اللي قدامه اومال الشيطان بقي اللي اتعامل مع كل انواع البشر من آلاف السنين ..هو دلوقتي رابطلك موضوع النقاش النقاب بالعبادات التانية بعد كدة مثلا ممكن يقولك طب ماتخلعي النقاب بقي عشان كدة انتي هتبقي منافقة ..انتي بقي ماتسمحلوش ب كدة وخليكي عارفة لعبته ..وحافظي دايما علي النوافل مع الفروض و صيام اتنين و خميس عشان دول يبقوا سور بينك و بينه ..ف لما ييجي يخليكي تضيعيهم مش هتبقي مشكلة ..لكن المشكلة لو ضيعتي الفرض ..لكن لو حافظتي ع الفرض بس من غير نوافل هيخليكي تضيعي الفرض ..فاهماني
و صحيح بما انى منتقبة كمان ف عاوزة أقولك حاولى مهما كنتى بتعملى ذنوب متربطيش حاجة بالنقاب غير لو هيكون وسيلة ندم على الفعل او وسيلة نجاة و خوف من الذنب غير كده اوعى تربطي بينه و بين حاجة تانية لأن ده طاعة لله و بالنسبة للذنب ف عادى مرة في مرة هنقوم منه
كلنا بنغلط ده طبيعي بس المهم حاولى حافظى على الثوابت ده المهم و اللى وقع متبصيش عليه الوقتى
اهم حاجة دلوقتي حافظي علي اذكار الصباح والمساء اعملي لنفسك ورد لحفظ القران خلي حد يتابع معاكي .حافظي علي الصلاة في ميعادها
كلنا كدة و الشيطان مش هيسبنا في حالنا بس طول ما بندعي ربنا و بنقرب له احنا في امان وبالنسبة لموضوع الأخطاء في حديث عن الرسول صلي الله عليه وسلم بيقول أن كل بني آدم خطاء و خير الخطائون التوابون ..يعني اللي يغلط و يتوب زينا ..يعني احنا كدة خير البشر بعد سيدنا محمد ..ماتقلقيش ربنا هو اللي خالقنا و عارف نقط ضعفنا عشان كدة رحيم بينا .. ربنا فضلنا علي كل المخلوقات بما فيهم الملايكة و لما الملائكة اللي بيعبدوا بس و مش بيعصوا زينا ...حتي لما الملائكة قالوا ل ربنا سبحانه و تعالي اتجعل فيها من يفسد فيها و يسفك الدماء و نحن نسبح بحمدك و نقدس لك .. قال إني اعمل ما لا تعلمون..يعني ربنا عالم بينا و عارف ان احنا هنعبده و نحبه من غير ما نشوفه زي الملايكة ..و كمان هنعبده و نمنع نفسنا عن الغلط بمزاجنا و بإرادتنا ..وعشان كدة ربنا خلقنا اصلا ..عشان الله يحب أن يعبده مخلوقاته ب اختيارهم ..و لحد دلوقتي احنا بنجاوب علي سؤال الملائكة اللي سألوه زمان ..ربنا بيبعت الملائكة في قعدة فيها ذكر او عبادة او توبة ..عشان يحرسونا و عشان توصلهم إجابة السؤال ..أن احنا افضل المخلوقات في العبادة .
عندك تليفريك؟ 😂😂
عندك زنجر بس بدل ال ر ي ؟
عندي حل تاني ي وترميلون بس مش عارف اشرح هنا عشان ممكن اتحظر
انا قريت وجربت طرق كتير بس مش عارف احكيلك طبعا بس ممكن تفتحي ع النت وتقري وتشوفي فيديوهات
طب ذنوب الخلوات دي انا اسف يعني اباحيه ولا ايه ؟ اصل انا حاليا تبت وبحاول كتير و بقع