اقولكم سر ؟! انا طول عمري ولحد دلوقتي مستنية الشخص الى يثبتلى انى حد يتحب عادى ويستحق دا ..من وانا طفلة عمري م حسيت ان حد بيحبني حتى بابا وماما اكيد كانو بيحبونى بس بطريقة مكانتش مفيدة بالنسبالى حتى فالمدرسة طول الوقت كنت بحس انى تقيلة ع الى حوليا ف كنت باجى ع نفسي عشان بس يصاحبونى.. محدش حسسني ف يوم ان مشاعري مهمة فبالتالى انا مبقتش مهتمة بيها بل انى مكنتش بحب اوجع حد يعنى لو حد اذانى نفسيا احاول اتعامل عادى عشان مجرحهوش بعد م جرحنى ماانا بقى متعودة ومشاعري مش مهمة... تعرفوا ؟انا حاليا ٣١ سنة حياتى واقفة مش قادرة اعمل اى شئ الاحاجات بسيطة بسبب انى الطفل الى جوايا كان محتاج مشاعر حب وامان كتيرة جدا بس فجاة بقى محسوب ع الكبار وحتى وسط الكبار دول مقابلش حد مناسب حد يقدر يعوضة لان ببساطة مفيش حد مطالب يعوض شخص عن حاجات هو معشهاش..