السلام عليكم و رحمة الله و بركاته أنا هادية بطريقة مرعبة لأن للأسف مش ده اللى جوايا، من جوايا حاسة إنى عاوزة اعيط كتير اوى، بجد و الله عاوزة اعيط بس انا بجد نفسي حد يحضنى و يطبطب عليا، انا اوقات كتير ببقى زعلانة و لو حد كلمني كلمة لو عادية بلاقى نفسي عيوني ب تدمع، أنا قلة وعيي ونا صغيرة خلتنى اتعود على الكتمان، و للأسف بقى أسلوب حياتى.. انا حاليا مش عارفة مالى بس انا بكتب ونا بدمع حاسة ان جوايا وجع تخطى الحدود و فاق قدرتى بس و الله معرفش ليه او السبب اى بس انا موجوعة، كان نفسي يكون عندى حد قريب منى يفهمنى من غير ما اكلم، اصل احساس وحش انك عايش بين اهلك و حاسس انك لوحدك، كل واحد في حياته💔🥀 انا خايفة ارجع لنقطة سودة في حياتى القديمة و هى انى أكره اى حد يحاول يقرب منى او اكرهه فيا، و انى اظهر بشخصية غير شخصيتي معاهم علشان يكرهوني و يبعدوا عنى علشان افضل لوحدى، و ان اكره فكرة الزواج تانى، و ان احاول ابقى الشخصية السيئة في رواية اى حد مش حابة ارجع ل ده من تانى، لأن ربنا عالم انا خرجت من المستقنع ده ازاى💔🥀 انا تعبانه اوى بدأت اكره وقت الليل لأن بيظهر ضعفى💔🥀 انا عاملة زى الوردة الدبلانة دى بالظبط 💔🥀
وعليكم السلام ورحمة الله وبركاته ليكى حق تتعبى، احساس الوحدة صعب على اى بنى ادم مهما كان قوى، دى عكس فطرتنا اساسًا انتى مش مستنية حد معين يجى يتقدم علشان مشاكلك تتحل انتى مستنية حد يسمعك بجد.. يفهمك.. يحس بيكى.. يعرف اللى جواكى.. انتى مستنية حضن كبير من حد متعرفيهوش يطبطب على كل الوجع اللى مريتى بيه انتى مستنية حد يشوف الحلو اللى جواكى مش اللى بتحاولى تظهريه قدام الناس
و عليكم السلام ورحمه الله وبركاته جربتي مثلا تشوفي ايه هي الحاجات الي مضايقك و ايه الي تقدري تصلحيه بحيس الي نقدر نصلحه نصلحه و الي منقدرش نقول ده قضاء ربنا يبقي ده الصح لينا
كل ده ليه ؟ ولا هرمونات بنات
{لا يكلف الله نفسا إلا وسعها}