منذ 5 ساعاتيشعر بـ متعب
نفسي اعدي الفتره دي كلها وأكون قدرت أنسى، أو على الأقل أكون خفّيت شوية من اللي جوايا. كنت متخيلة إن مع الوقت ممكن ألاقي حاجة تعوضني عن اللي فات، أو حد يخليني أحس إن اللي ضاع ماكانش النهاية. لكن الحقيقة إن ده ما حصلش.ومش عارفة أصلاً إمتى ممكن يحصل… ولا حتى إذا كان هيحصل. أكتر حاجة بتخوفني إني أفضل واقفة في نفس المكان، مستنية حاجة مش عارفة مصيرها إيه. الوقت بيعدي، وكل الناس حواليا حياتها بتتغير وتمشي لقدام… وأنا حاسة إني لسه واقفة، ما اتحركتش خطوة. تعبت من الإحساس ده، ومن الانتظار اللي ملوش نهاية واضحة. كل اللي نفسي فيه إني أصحى في يوم وأحس إني أخيرًا خرجت من الدوامة دي
متفهم وعارف انها مرحله صعبه بس نصيحه متحاوليش تلاقى العوض او كده خدى وقتك وتخطى المرحله دى وبلاش اى علاقات تانيه او غيره واتحركى براحتك وطورى نفسك كا لغة او كا دراسه واهتمى بنفسك
اعتقد مشكلتنا ممكن اننا منتظرين حاجة كبيرة مرة واحدة ؟ احيانا لازم نقتنع ان اي تغير صغير ممكن يفرق معانا
طيب انتى لسه صغيره وقدااااامك كتير جدا جدا وده كان درس ليكى ياريت تكونى استوعبتيه الحب بره البيت خداااع تانى الحب بره البيت خداااع غير حقيقي عايزه حب خليه يتقدم بشكل رسمي حتى لو مش لاقي ياكل وهنا بجد تعرفي الراجل من غيره
عارفه مشكلتنا اننا مستنيين العوض مع ان ممكن احنا نفسنا اللى ممكن نعوض نفسنا عن اللى حصل نصحية مستنيش وابداى بنفسك لنفسك
عمرك كم سنه وبقولك اد ايه بتحاولى
ممكن تحكيلنا اية اللى ضاع منك بالظبط ؟
ايه ال حصل لكل ده + ربنا يطمنك ويهدى قلبك يارب 🤍