أنا بجد تعبت من فكرة الحب والارتباط دي. كل مرة بدخل علاقة ببقى فاكر إن دي هتبقى مختلفة، وإن الشخص ده هيكون فاهمني وواقف جنبي، بس في الآخر بلاقي نفسي لوحدي أكتر من الأول. المشكلة مش بس في الاختيار، المشكلة إني بقيت بخاف أدي مشاعري كاملة عشان متوجعش تاني. وفي نفس الوقت، مش قادر أبقى بارد أو أمشي بمبدأ "كله زي بعضه". الارتباط بقى مرهق، بين تفكير كتير، وخناقات على حاجات تافهة، وعدم وضوح في المشاعر. ساعات بحس إن الناس بقت بتجري ورا الإهتمام مش الشخص نفسه، وكل واحد عايز ياخد أكتر ما يدي. وبصراحة، بقى صعب تلاقي حد صادق ونيته كويسة من غير لف ودوران. أنا محتار… أكمل وأجرب تاني ولا أريح دماغي وأبعد خالص؟ لأن قلبي مش مستحمل خيبة جديدة، وفي نفس الوقت نفسي ألاقي حب حقيقي يحسسني إني مش لوحدي.