بصي انا عديت بنفس التجربة دي في سن صغير فعلا اللي حل الموضوع حاجتين اولا ان بجد مجرد ما اتخيل اني قدام ربنا يوم القيامة و بيسالني انا عملت دا ليه انا حقيقي متاكدة اني مش هلاقي رد لان فعلا عارفة ان رغم كل حاجة هزمتني اه بس لسة في جوايا مهما يحصل طاقة اقف و اكمل مهما حصل و ان لا يكلف الله نفسا الا وسعها و كمان اني كنت شخصية عنيدة جدا حرفيا انا بصراحة بالنسبالي اني اعمل دا هيبقي جبن و هروب مني و بطبيعة شخصيتي انا بحب احارب جدا بعند ان مفيش حاجة تقدر توقفني مش عارفة تجربتي ممكن تفيدك او لا بس هو بجد صدقيني مهما كان الحياة فيها كتير اوي حلو صدقيني و طبيعي نمر بمراحل صعبة لدرجة توصلنا نفكر فعلا كدا بس بجد الحياة فيها كتير لحظات حلوا اوي قدام

متقوليش كدا لو انا شايفاكي دوشة و رديت دي مشكلتي انا مش انتي خالص ربنا يوفقك و اتمني تكوني استفدتي باي حاجة و متبطليش تحاولي خالص و اكتشفي اللي بتحبيه فالدنيا و حاولي تحاوطي نفسك بيه حطي اهداف و قربي من ربنا بجد مش بس صلاة اتعرفي علي ربنا بجد و انا دايما بقول ربنا حاطط كل ذرة في الوقت و المكان الصح و اكيد ليه حكمة في كل حاجة

بالظبط ما هي فعلا الحياة مش وردي و لكن دي ثوابت ما انتي لما تتاذي طبيعي فعلا هتفكري بشكل سلبي و تتعبي و هنا اسمحي لنفسك تطلعي كل السلبية بكل الطرق اسمحي لمشاعرك تطلع بس متغرقكيش عند لحظة هتهدي و افتكري الوقت بينسي و لازم تدركي الجملة دي هي ان اللي حصل حصل و مش هخليه ياثر فاللي جاي بتاعي تخيلي كل اللي بتحبيه و يفرحك يمر عليكي بس متفرحيش عشان انتي لسة عايشة فالماضي رغم انه خلاص خلص كل يوم هو حياة جديدة حرفيا و بصي مش هلومك و انتي هتاخدي وقت علي ما تطبقي دا و اه الايجابية دي بتيجي بس بعد ما تكوني فرغتي كل السلبي من جواكي الاول و لوحدك هتهدي و تفكري بمنطق ايجابي عادي و انا اهو يمكن حياتي استقرت بس لسة بغرق ساعات فالافكار و المشاعر السلبية دا طبيعي جدا بس كل مرة بتطوري اسلحتك و بتتعلمي و بتفهمي اكتر و كل مرة بتعرفي تواجهي السلبية احسن متبطليش تحاولي

مبدايا انتي بتتعاملي مع المشكلة الغلط المشكلة مش انك بتفكري في كدا المشكلة الحقيقية هي ايه اللي وصلك تفكري في كدا و كمان انا حاسة ان حبك لنفسك اكيد هو من الاسباب لان محدش حقيقي مدرك حقيقة نفسه يعمل كدا السبب لو كان ناس مش ظروف صديقيني محدش ابدا يستاهل لازم تفهمي دا اللي اذوكي دول هما اللي المفروض يندموا و مش هقول يستحقوا يبقوا مكانك لان ربنا لطيف متتمنيش برضوا الشر لحد بس افهمي انك غالية حقيقي و انك تستحقي الافضل

بصي حاولي تغيري من حياتك لان فكره الإنتحار دي فكره جبانه قربي من ربنا ادعي صلي مش ممكن الي أنت فيه دا ابتلاء دايما حتي قدامك ان الانتحار عمرو مكان حل ولا هيريحك بالعكس حاولي تغيري من حياتك ومتخليش الانتحار اوبشن أصلا صدقيني ربنا شايف مجاهدتك لنفسك وثوابها كبير بس ولا أنا ولا انت قد ان احنا نبقي رايحين لربنا كدا ربنا يريح قلبك يا رب بكرا هتبدأ العشر ايام صومي واذكري ربنا وادعي كتير ربنا شايفك متقلقيش ولو عايز تحكي احكيلي انا معاكي

طب اهدي و براحه كدا مالك مش هتفرق بقي خاص او غيرو او لو بوست قديم تحت خالص محدش هيبص فيه انا معاكي مس لوحدك