اهدي وبلاش توتر عشان ماتغلطيش غلططي انا دفعه 2024 بص ي حبيبتي انتي ذاكري علي قد ماتقدري وخلي في البالك انك مش هتاخدي اكتر من اللي ربنا كاتبهولك بلاش تضغطي نفسك وتسهري بال3 ايام وتحلي مليون ملخص وتعملي زي واحده هبله كدا ركزي علي ملخص واحد أو اثنين ومستر واحد لكل ماده ونامي كويس قبل الامتحان بلاش السهر عشان ماتندميش

بصي انا دفعة السنة اللي فاتت و الحمدلله ربنا كرمني و جبت مجموع كويس عقبالك يارب ، انا حاسة بيكي جدًا لاني كنت زيك بالضبط و وقت نزول جدول الامتحانات انا فضلت طول اليوم بعيط منغير مبالغة حرفيًا مفصلتش عياط وقتها من خوفي بس بعد كده ادركت ان ده كان خوف ملوش لازمة و توتر على الفاضي و كمان طول ما انت بتعملي اللي عليكي يبقى متخافيش فكري ان في اللحظة دي ايه اللي مطلوب منك ؟؟ مذاكرتك صح ، يبقى دي الحاجة الوحيدة اللي تهتمي بيها دلوقتي عقلك بقى يجي يفكر طب وقت امتحان الفيزياء هعمل ايه طب لو معرفتش احل و نسيت المعلومات طب وقت النتيجة.... أي حاجة من كل ده اهمليها تماما و خلي عندك ثقة و يقين قوي في ربنا انتوا اصلا اغلب الامتحان عندكوا اختيارات فلو ربنا اراد انك حرفيا تهبدي ممكن تقفلي الامتحان منغير مجهود او تهبدي اسئلة و تطلع صح معاكي بسبب ثقتك في ربنا و توفيقه ليكي ، و ربنا قال الشيطان يعدكم الفقر و يأمركم بالفحشاء و المنكر و الله يعدكم مغفرة منه و فضلا و الله واسع عليم ، يعني الافكار دي غالبًا هي وساوس من الشيطان عشان يشكك في نفسك مش أكتر و ربنا ختم الاية باسم الواسع يعني ان عطاءه لا حدود له 🤍

انا دفعة 25 وبقولك كل ده بيروح مع أول امتحان هي لجنة عادي زي اي لجنة اهم حاجة تدربي نفسك على وقت الامتحان لان تلت اربع مدرستي ورق العربي اتسحب قبل ما نخلص بابل شيت

انا كنت مكانك ولله وقولت خلاص مفيش وقت، اما جه وقت الامتحانات، اقسم بالله كان فيه وقت اجيب المنهج كله من الاول ف الايام ما بين الامتحانات... انتي لسه بدري جدا، اعملي جدول مذاكرة لمدة شهر مثلا تخلصي ليه المنهج، حتي ولو مش بفهم 100% المهم تخلصيه، بعدها تبدأي تراجعي وتحلي، وان شاء الله هتعدي. انتي عشان جوا الموقف نفسه ف حاسه انك تايهه، ولكن الي برا الموقف شايف ب مدى اوسع، كان نفسي حد يقولي كده ساعتها ولله

بصي انا كنت زيك السنه اللي فاتت دي يعني انا دفعه ٢٠٢٥ بس عارفه انتي هتكوني كده اول امتحان بس اول ماتقعدي وتهدي هتعرفي تحلي عادي رهبه الخوف دول هيروحو باقي الامتحانات هتبقا عادي وهتتعودي