منذ 27 أياميشعر بـ مُرهق
هاي سأتكلم بالعربية لأن غالبا ما يتم الرد عليها المهم حقا اريد شخص يعطيني نصيحة أو على الأقل يتكلم اذا عنده تجربة هع هذا الشئ انا بنت رسبت في الباك و الان راني نعاوده و مازالني لم اتخطى حتى اني لم ادرس حقا رغم اني نعاود و الان مازالني شهر و انا شبه لا علاقة يعني ممكن ارسب مرة أخرى 😭 و انا احاول كل لم اضبط نفسي و ادرس هذه الأيام المتبقية لكن الأفكار السلبية و القلق و الستراس ماخلانيش 😭😭و ابكي كثيرا لا استطيع التحكم و اهرب من الواقع ...و من الجانب الديني احاول اصلي لكن لست ملتزمة لكن دائما ارجع لتلك الدوامة السلبية و تلك الأفكار ...
شوفي انا نعرف هدا الشعور خطرش عديت الباك ونعرف واش معنى ستراس تاع الشهرين الاخرين بصح النفروض دوقا تعطي كامل واش عندك من طاقه لازم تجيبي الباك حتى لو 10 باش على الاقل متطيحيش فنفس الخطأ زوج مرات واي نصيحه تحبي نعاونك فيها قولياي
أنا شعبة علوم تجريبية فوت باك 2 خطرات و ربحته حمدالله مع أنو ما حطيتش كامل جهدي 50٪ برك.. نصيحة لي راح نقولهالك باك حاجة ساهلة نتي برك تصعبيه كي تبقاي عاطياته كثر من حجمه +و كاش ما تلفتلك في حاجة ولا راني هنا نعاون ختي بشي لي كاين 😊❤️
صح مابقاش قد لي فات بصح في هذا الشهر تقدري توصلي و حتى إذا ما جبتيش الباك لازم تخلي هذا النقطة مصدر الاصرار تعك و ديري برواغرام قري به و لتزامي به و ان شاء الله تنجحي
كل ما الانسان يمد للحاجة اكبر من حجمها راح تتغلب عليه و تصبح وحش يسهل عليه التهامك ...لهذا لازم تقنعي نفسك انو الباك مرحلة في حياتك و ليست حياتك ! الستراس يضخملك الأمور ، اقراي وش في مقدورك لان الجهد فوق الطاقة نتيجته لا تعني شئ و تذكري انو الباك ليس نهاية العالم و ان صحتك النفسية أولى من اي شئ
بالتوفيق اتمنى لك النجاح 🌹✨🌟