دلوقتي حصل موقف بنت كلمتني وحشتيني وعايزة اشوفك ونرغي وكده المهم وافقت وقولتلها اكيد يعني؟ عشان هقول للسواق اني مش هرجع معاه قالتلي اه واتفقنا رنيت عليها وفين وفين ردت وقالتلي كنت لسه هرن عليكي لقتها مع بنات صحابها قولتلها يلا بينا قالتلي ماشي يلا بعدها صحبتها بتقول انا عندي مشوار وتعالي نمشي قولتلها يا بنتي تعالي فضلت محتارة بينا وتقولي تعالي اركبي موقف قولتلها يا بنتي ما العربيه واقفه هناك بس كنسلتها عشان ابقي معاك اي هيخليني الف اللفة دي كلها ! قالت طب المرة الجاية نخرج قبل الامتحان ؟ قولتلها مينفعش انا متفقه مع سواق وف الاخر سابتني ومشت معاهم ! انا زعلت واتضايقت بشكل مش طبيعي وبعتالي تقولي هاتي صورة اليتيمة اللي اتصورناها* اللي هي اصلا كانت مستعجله جدا ومالهاش اي قيمة بنسبالي ، وبتقولي هنعمل اي في المادة الجاية؟ هنذاكر منين وبعتالي صورة ليها بس انا مردتش عليها وحاسه اني مش عايزة ارد ولا عبرها عشان الموقف داا بجد متضايقه جدا ، لاني بدي قيمة للي مالوش قيمة وملقتش صاحب يقدملي ربع اهتمامي ولا حنيتي لدرجة انا عندي استعداد ادفع تمن الاكل والتسالي واعزم بقلب جامد طز في الفلوس بس حد يكون معايا ! نقضي وقت حلو مع بعض لكن ابدا مافيش وخصوصا دي المرة الوحيدة بعد 9 مرات امتحان حد يطلب مني يخرج معايا واوافق واسيب العربيه طيب ما كنت لوحدي ومكبرة دماغي وفي هدوء وسلام ليه قلبة المزاج والعكننه دي وكالعادة ليه مرفضتش ؟ ليه بردو تحمست وتعشمت وف الاخر بلح ! ليه بيحصل معايا كده خصوصا اني وجودي خفيف جدا ليه الواحد قصر في اي ؟ من كتر الذوق والعطاء الكوبايه اتكسرت ميت حته ، انا متضايقه
هو موضوع يضايق لكن مش اي حد نعتبره صديق لازم نختار اصدقاءنا كويس وفي فرق بين الصحاب والاصدقاء والزمايل