مش عارفه انام ومتضايقه الساعه 7 الصبح ومش راضية عن نفسي نهائي وزهقت من حياتي وعايزة اموت ، بتمني الموت حقيقي انا كرهت سنين الجامعه محاولاتي المستمرة اعمل صحاب وفشلت لدرجة اني طلبت من بنت خدوني معاكم عشان انا لوحدي وفعلا كسبت فيا ثواب واتعرفت عليهم كلهم ولكن كان اهتمامها بيا مؤقت خرجت معايا مرة واحدة بس وحرام مرة كمان وبعدها بعدت تماما بقت مجرد معرفه مكملناش غير ترم واحد سوا ،وطلعت بتعمل كدا مع كله بتجبر بخاطره ... مع اني كنت شايفااها صحبه دايمه ولكن كل مرة فاهمه وواعيه ان كل دا مؤقت ومع ذلك اتحايلت كتير ع البنات تعالوا نروح كذا ندخل مكتبة اسكندرية من كتر التحايل حتي بنات من شعب تانية وللاسف كل دا باء بالفشل بقيت ساكته ومش عايزة احضر حفلة التخرج ولا عايزة اعمل حاجة لاني حاسه اني لوحدي عندي معارف كتير ف جامعه كله يسلم ويبوس ويروح ماشي وانا بمشي زي ما روحت زي رجعت بجد مش عايزة احضر حفلة التخرج مش عايزة
ثقي في نفسك وصدقيني هتكوني فوق متدوريش علي حد يسندك دوري علي نفسك وتكوني قدوت نفسك تلاش الناس الناس هيجرو وراكي هتجري ورا الناس الناس هيمشو منك
على فكرة كلنا ممكن نقدر نستمتع لوحدنا عادي احنا اللي حاطين نفسنا في زون اني مينفعش اتبسط او اخرج او افك عن نفسي من غير صحابي بالعكس ده الخروج لوحدك ده بيبقى free therapy بجد ويوم التخرج ده هو هيجي مرة واحدة في العمر هتضيعيه عشان ايه وعشان مين؟؟ لما تكبري وتفتكري انك ضيعتي يوم مهم زي ده من حياتك هتزعلي اوي بجد لا روح واتبسطي واعملي ميموريز تفضلي محتلظة بيها بجد هتبقى لذيذة موت وعلى فكره الصحاب مش كل حاجه انا صحابي عملولي كمية حوارات وكمية وجع دماغ مش طبيعي ودي قالت ودي عملت ليه تحطي نفسك في الزون دي اتبسطي انتي في احلى ايام حياتك ومتنكديش على نفسك
ليه كل ده الحياة مش مستهال ولو على الصحاب تعالى نبقي صحاب انتى مكبره الموضوع ليه كده
مش ممكن يكون العيب عندك انتي وانك مثلا مش بتشاركي الاخرين اهتمامتهم وبالتالي بتلاقي نفسك دايما لوحدك المشكله اننا احيانا بننظر للمشكله بعين الضحيه لكن لو وضعنا انفسنا مكان الناس التانيه الروايه هتختلف جربي تشاركي الناس في ادق اهتماماتهم وانتي تلاقي الكل بيتمني يصحبك
اسوأ حاجه في حياتك انك تعيشي عشان ترضي الغير ويكون عندك اصحاب وتخافي على زعلهم ، الوحده نقطة بدايه لحياة افضل وفرص النجاح في الوحدة مضمونة فلازم تشيلي من دماغك فكرة ان وجود الاشخاص ممكن يكون راحة لينا وتنتقلي من مرحلة تبدأي تطوري فيها من نفسك وارمي كل ده ورا ضهرك وان شاء الله ربنا هيكرمك وساعتها الناس هي اللي هتحتاجك مش انتي اللي هتحتاجيهم
تعالي نبقا صحاب