منذ 2 ساعاتيشعر بـ مذنب
دلوقتي أنا الحمد لله توبت لربنا و م بقيتش اكلم اي ولد خالص و الموضوع انتهي خلاص الحمد لله و ربنا يثبتني ، بس دلوقتي كل فتره كده احس بندم كبير اوي اني عملت كده لان ده مش انا ولا هي تربيتي كان طيش شباب ، كميه الندم و القرف اللي بحس بيها تجاه نفسي لما افتكر اني عملت كده كبيره اوي لدرجه ان ممكن اليوم كله يضيع و أنا عماله افكر و اقول طيب ليه عملت كده ياريتني م عملت كده و بجد ندمانه اوي بس عندي امتحانات الفتره دي و بحاول اركز بس أوقات مش بعرف
كلنا بنغلط، ربنا اصطفاكي وكتب ليكي التوبة والهداية متخليش الشيطان يدخلك من باب أنه يكرهك في نفسك ويحسسك قد ايه كنتي وحشة أنت قوية جدا الحمد لله انك قدرتي تقفلي صفحة الماضي مترجعيش ليها تاني واعرفي ان اللي فات كله بإذن الله اتبدل لحسنات كمان ولما تتألمي على انك ازاي عملتي كده استغفري ربنا وبس كده
بصي لقدام و ابدأى حياة جديدة .... بصى لبكرة و اوعى تبصى وراكى عشان تبقى تمام
انتي كده في الطريق الصح لان مش شروط التوبه الندم علي ما فات ، حاولي تركزي علي حياتك ومستقبلك ومتفكريش كثير في الموضوع ده علشان متتعبيش نفسك نفسيا واشغلي بتلك بالقران الكريم وانتي مع الوقت هتنسي صدقيني بس صلي وادعي ربنا يتقبل توبتك ويثبتك علي الطريق الصحيح ويوفقك في حياتك 🥰