فعلا الموضوع صعب جدا وفكره ان دايما محاولاتك ما بتبقاش في العلن قدامهم فده بالنسبه لهم انت مش بتحاولي الموضوع بجد بياثر نفسيا وخاصه لما بتكوني بداتي توصلي لحاجه حتى لو بسيطه فتسمعي كلمتين ينزلوكي من الاول او يمكن اقل من الاول كمان كل اللي اقدر اقوله لك حاولي لما تسمعي الكلام ده ما تقعديش تبرري ما تقعديش تقولي لا على فكره انا بعمل اسكتي خدي الكلام كله روحي عيطي في اوضتك اغسلي وشك روحي كملي من النقطه اللي انتي وصلتي لها ولا ترجعي لنقطه الصفر ولا الهبل ده كملي انتي ما تاثرتيش بكلامهم ولا هتتاثري لان ده قرارك انت اللي بتقرري اذا كنتي عايزه ترجعي لنقطه صفر تاني ولا لا مش هم و مش هم اللي هيحكموا عليك اذا كنت بتحاولي ولا لا انتي اللي هتحكمي في ده انتي حكم نفسك وربنا يرزقك بالناس اللي تكون سند ليكي فعلا، النصيحه دي يمكن بقولها لنفسي قبل ما اقولها لك لان انا عايشه ف ده وفاهمه تاثيره النفسي اوي ربنا يعيننا بجد.

في اي ممكن تحكيلي

مشكلتك انك ف مكان مش قادر يسلط الضوء علي الحاجات الحلوه اللي بتعمليها واحنا بطبعنا كبشر مش بنشوف اللي الانسان بيعملوا عشانا حتي لو حاجه قليله بالنسبه للشخص ف هي اكيد حاحه كبيره بالنسبالك ف اهدي وصدقيني كلنا هنا بما فيهم انا جنبك كلنا عندنا نفس المشاكل وكلنا نفس الامراض ونفس المعامله ف البيت بس باختلاف البيئات انا بيئتي معقده وصدقيني لو تعرفي اللي عندي لتحمدي ربنا ع اللي انتي فيه اللي انتي فيه هيتحل اهدي بس وصلي ع النبي وركزي معايا بس كده اغسلي وشك وقولي انا هديت لاجمع كل اللي ف الاب وننزل علي بكف يموتك م الضحك يلا

بس فين المشكلة اللي تعباكي، كدا كدا مامتك مش هتفهمك اوي لو فعلا لوحدها ومسئوليتها كبيرة فنشوف بقى هنقدر نعمل ايه غير كدا، ممكن اساعدك ان شاء الله

اااخخ سوري لسه واخده بالي انك بنوته ..

كل انسان على وجه الكره الارضيه دي له فايده ايا كانت انت مش عارفها دلوقتي بس هي موجوده لان الله لا يخلق شيئا عبثا وانت خلق الله يبقى انت استحاله ما يكونش ليك فايده ابدا باي حاجه العب مع اطفال في الشارع ابتسم للحواليك وبر والدتك لان رضاها هو الجنه بعينها انت مش انسان وحش بدليل انك ملاحظ انك يمكن بتاذي وبتحاول تغير مجرد محاولتك تتغير ف حد ذاتها معناها حاجات كتير اوي اقسم بالله ، كده كده الصحاب دي اسهل حاجه ممكن تعملها لما تحس انك اتحسنت انزل في جمعيات خيريه ساعد هتحس انك بتفيد اكتر يمكن الشعور ده مش واصلك هو بس موجود ... في جمعيه مشهوره اوي اسمها رساله طبعا اعتقد عارفها بتعمل فرز وموجوده كل المحافظات ليها فروع انزل اي حاجه سهله هتفيد اللي حواليك وهتفيدك