انا حاسة ان حياتي كلها غلط من اولها لآخرها انا ثانوية عامة و مش بذاكر ولا بفتح كتاب انت لو بتجيلي الامتحانات لحد عندي مش هبقى كده و يا ريب رايقه ده بتأنيب ضمير… متقطعه في الصلاه او زي منقول كده مش بصلي اصلا اتوب يومين اعصي شهر مش بعرف اذاكر دقيقتين على بعض عندي ADHD و تركيزي اقل من الصفر و المشكلة اهلي ميعرفوش ده ايه و قلت لهم هيقولوا ده اكيد من الموبايل ال هو انتو فاهمين دماغهم … انا مفيش حاجة صح بعملها لا باكل كويس ولا بنام كويس ولا بذاكر اصلا ولا بصلي و قريبة من ربنا و لا عندي هدف عايزه احققه و زيد كمان ان من بعد الفصل الأول و انا مش عارفه اركز اكتر بسبب النتيجة الهباب ال جبتها (٩٠٪) و المفروض ان ده الفصل ال اعوض فيه عشان ارفع النسبه بروح المدرسه مش بهدف اني اخد معلومه لا، بهدف ان دي حاجة مجبره اعملها و خلاص و ماما مش بتعمل اي حاجة غير انها تقارن و بس شوفي دي و بصي لدي انا مش فاهمه حاجة و مش عارفه حاجة … بجد تايهه اوي😭😭😭😭😭😭
احيانا الواحد بيضطر يمشي بدون هدف لكن دايما اختاري القرار الصح حتى مع انعدام الهدف او الطموح متعرفيش قدرك ايه وربنا كاتبلك ايه فاسعي
فهماكي جميل اول خطوات حل مشكله الاعتراف بيها .. اهم حاجه الصلاه في وقتها لانها احب الاعمال لربنا و حياتك كلها هتتغير لو ربنا راضي عنك و هيبارك فمجهودك . ادعي كتير و اشتكي لربنا حتي من نفسك و افتقري لله و استغيثي بيه انه ينجيكي من كل ده و ينجحك 🤍 وانا معاكي بردوا و هحاول كل فتره أكتبلك هنا حاجات فاتندي فتره دراسه
هوني على نفسك ، أهم حاجة أنك عارفة فين الغلط باقي نصححه...أهم حاجة الصلاة طبعا حاولي تنزلي تطبيق يقولك مواعيد الصلاة أو لو أنتي عارفه مواعيد الصلاة قبل كل صلاة ب خمس دقائق سيبي كل اللي في ايدك و روحي اتوضي و استني الٱذان و استغفري لحد ما يأذن...ولو نفع تكافئي نفسك و هكذا لحد ما تنتظمي و ياريت لو تخلي مثلا خمس دقائق يوميا تقرأي قرٱن هتحسي بهدوء داخلي..، بالنسبة للمذاكرة حاولي تبدأي الأول ب تقنية البومودورو يعني مثلا 15 دقيقة مذاكرة و 10 دقائق راحة و لو أي فكرة جات لك و أنتي بتذاكري تكتبها في دفتر جمبك بحيث لما تخلصي مذاكرة تبقي تعمليها...و عاوزة أقولك أن نتيجتك كويسة جدا المهم تجتهدي...، بالنسبة للمقارنة اعرفي كويس أن كل حد مننا كبشر ليه طريق خاص مش معنى أن مثلا أن حد نجح في حاجه و أنتي منجحتيش يبقى أنتي وحشه لا عادي يبقى بتتعلمي... بتجربي....مفيهاش حاجه يعني ...قيمتك مش في الحاجات اللي بتحققيها...و عاوزة أقولك أن نفسيتك مهمة جدا حاولي متخليش حد يأثر عليها و خلي ليكي مثلا هواية يومية تخفف عليكي شوية زي رسم أو لعبة
فكك من كل اللي حواليكي وفكري بس في شكل حياتك في المستقبل لو كملتي بنفس الوضع بعيدا عن اهلك عن شغفك دلوقتي فكري في نفسك المستقبلية وذاكري عشانها