خايفه عمري يخلص وانا مستنيا معجزة تنقذني من حياتي الكارثية دي وافضل اتأقلم بس على اللي مجبورة اعيشه مش اللي بتمناه خايفه حذري وخوفي من الناس يخليني شخص قاسي بعدين ومعرفش ارجع لنسختي المرحة العفوية دي مع الاشخاص المناسبين خايفه ملاقيش في الاخر مكان آمن بالنسبة ليا أكون فيه على حقيقتي بكامل هشاشتي وانا مطمنه انها هتتقابل بحضن وحماية لحد ما حقيقتي دي تضيع وافضل صلبة طول عمري معرفش الين حتى لو كنت عايزه خايفه من كتر الخوف مصدقش الطمأنينة وهي بين ايدي وابقى انا اللي ضيعت نفسي في الاخر خايفه متحبش ولا مرة بشكل سوي أو لما ده يحصل مصدقش خايفه اكون مرهقة لصاحبتي المفضلة لإنها طول الوقت قلقانه عليا عشان هي الوحيدة اللي فاهمة انا بمر بإي خايفه اخسرها عشان بدات اتجنبها لما حسيت اني بسببلها جو سلبي وطول الوقت بقت بتتوقع اني مش كويسه حتى لو بضحك وبكامل طاقتي قدامها انا فعلا كده بس بحاول اتجنب ده ما انا لو وقفت هنا مش هعرف اعيش واكمل ومش عارفه اغير حاجه انا محاصره حرفيا ندمانه اني حكيتلها عن حياتي اوي حاسه انها شايفاني مثيرة للشفقة وبدات اشك انها بتحبني اصلا وانه مجرد تعاطف
لا توجد نصائح بعد
قدّم نصيحة