منذ 4 ساعاتيشعر بـ متعب
انا حاسس اني مش عارف اعمل اي حاجه عندي امتحان ميد ترم يوم التلات وحرفيا مش عارف اذاكر حاجه غير اني ف رمضان غبت كتير في سكشن رحته مره واحده بس ف رمضان واول سكشن بعد رمضان كان امبارح مرحتهوش انا كليتي ف محافظه تاني غير محافظتي عمري ما قدرت اتأقلم ع البلد قربت اخلص كليه ومعرفتش احب او اتأقلم ع البلد اطلاقا المهم الغياب اللي غبته مخلي قلبي مقبوض دا غير ان كليتي عمليه السكاشن مهمه وفيها شغل وتسليم شغل اعمل اي خايف جدا جدا والمذاكره الترم دا انا مفتحتش حاجه خالص غير من يومين وانا بحاول اذاكر اللي خلصته بسيط جدا جدا جدا وامتحانات الميد ورا بعض وبحاول اني اذاكر من كذا ماده انا تعبت وحاسس اني مأنجزتش حاجه خالص تعبت ومش عارف اعمل اي ف المذاكره والغياب اللي غبته حرفيا بتاكل من جوه بسبب دا😓
ربنا يوفقك يا اخويا وتعدي السنة دي ع خير ❤️
ايوه كده انت ما شاء الله عليك أن شاء الله هتعدي زي الحلم
انا زيك كنت بقلق والله بس تفاءلوا بالخير تجدوه يا بلوبيري
بالضبط الشغل ده عندهم اهم شئ اصلا ف اجتهد وربنا معاك يا رب وتعدي علي خير
روح وقت التسليم وخلي حد يبعتلك المحاضرات او لو الجامعه عامله ابلكيشن ابق ذاكر الpdf اول بأول وابق روح وقت التسليم والامتحانات انا بعمل كدا حاليا
انا زيك برضو كليتي في محافظه تانيه و في سكاشن مهمه برضو بس قعد في شقه مع بنات و كنت في حالي مليش دعوه بحد و اخري انزل اجيب اكلي و اقعد اذاكر في اوضي لان مينفعش الغياب هياثر جامد خلي بالك
بص لو لحقت نفسك في الميدتيرم والله هترتاح بقيت السنه لان انا كمان كنت كليه عمليه حاول تكون متواجد الفتره اللي جايه وتذاكر كويس كمان اجتهد وربنا معاك ويوفقك