للاسف هي دي الحياه وساعات الموت للي بنحبهم اهون بكتير من حياتهم متعذبين بالتعب نفسيا الموضوع صعب جدا وصعب تقبله بس للاسف الوقت بيمر وبيخلي التأثير اقل وبنتعود اهم حاجة تبقي كويسة زي ما هي كانت حباكي تكوني ومتنهاريش علشان متبقيش خسرتي كل حاجة ربنا يصبرك ويقويكي

ولا بنقتنع ولا بنستوعب متقلقيش، لحد الوقتى مر على موت جدتي ٨ سنين و لسه بعيط عليها و كل يوم جمعة أفتكر موتها أكنه لسه الوقتي، هو كل الموضوع انه بيكون أمر واقع ف بتتعودى اللى يقولك غير كده كداب💔

كلنا هنموت ومش بايدينا حاجه و الشخص ده ان شاء الله يرتاح من عذاب الدنيا ويروح لنعيم الاخرة

عامل زي اللي وراه مذاكره وخايف يراكم ف بيراكم بسبب الخوف ، عيشي اللحظه عادي وكوني ذكريات ايه يعني بالعكس بعد كدا هتفتكري الحد دا بالدعاء بسبب الذكريات ولا عشان الذكريات هتزعلني شوية معملهاش خالص

أصل إيه الحل طيب ؟ مضطرين نتقبل ونكمل حياتنا وندعيلهم لحد ما نقابلهم

بنعيش عادي جدا ، كلنا عارفين ان الموت حق ومسيرنا كلنا نموت ف متخليش حزنك على فقدان حد يعكر عليكي حضوره استغلي الوقت اللي الشخص عايش فيه واعملي ذكريات عادي بدل ما الوقت دا يضيع في الزعل على حاجه لسه محصلتش

الموضوع مؤذي. وصعب للأسف منقدرش نقول غير إن الدنيا والوقت بتلهينا لكن الوقت هيرجع تانى يفكرنا