عايزه اعرف بتعملوا ايه لما يجلكم احساس "مش قادره اكمل ، انا لوحدي ، محتاجه حد معايا " هقول كلام كتير مش عارفه ارتبه بس حاسه اني ضايعه شوية محتاجه اتكلم بعمل حاجات كتير اوي بدل الشغل اتنين بنزل جيم بدرس ف الكلية و عندي امتحانات التزمت و لبست نقاب بدات احفظ قرآن و ادرس علوم شرعية غير تخصصي بحاول اتعرف على ناس بنات * بس مش عارفه اقرب منهم او اصاحبهم مش عارفه اقرب من حد و لسه الاحساس دا عندي عديت بحاجات كتير اوي لوحدي ديما بفكر ف الارتباط مش عايزه اغضب ربنا اكيد قصدي حلال بس برجع اقول اني صغيره و لسه متمتش ٢٠ غير ان مفيش حد حواليا ممكن يبصلي عشان النقاب غير كل دا بجد بكون محتاجه اتكلم مع حد او حد يسمعني انا فعلا فعلا مش قادرة اكمل ف اي حاجة بعملها و حاسه الحياه صعبه اوي و تقيله عشان لوحدي و برجع اقول اني عملت ف نفسي كدا و مقربتش من كدا ديما شايفه اني مستاهلش الحاجات الكويسه مع اني والله عديت كتير اوي كنت فيه لوحدي و تخطيت حاجات كتير بطلت حاجات كتير متلقش بيا و قربت من ربنا كنت بجد ضايعه انا فعلا عملت حاجات كتير كويسه بس حته جوايا لسه مش راضيه عني و لسه عندي احساس النقص دا مش عارفه ارتب الكلام بجد
طب ما انتي كده قدوه و الف راجل يتمنى ست زيك، و عادي افتحي باب الخطبة علشان تخيلي نفسك في عز شبابك و بتعيشي حياتك مع جوزك، بينما بقي انك نفسك في صديقة تكون معاكي او تكلم الطريق معاكي، للاسف الطريق فردي و لو لقيتي حد مره مش لازم يكون موجود كل مره، ربنا يثبتك و يرزقك يا رب
ما شاء الله عليكي، بجد ربنا يعينك ويثبتك.. كل الحاجات اللي بتعمليها دي قوية جداً وتكشف إنك حد مسؤول ومحترم، بس طبيعي يفصل ويبان عليه الضغط لما يحمل كل ده لوحده وفجأة. إنتي مش ضايعة ولا حاجة، إنتي بس محتاجة ترتبي أولوياتك وتهدي على نفسك شوية، وجلد الذات ده بيبقى مجرد وهم من التعب. إيه أكتر حاجة حالياً حاسة إنها ضغطاكي ومخلية الرؤية مش واضحة؟ كلية ولا شغل؟