حصل موقف معايا انهارده من دقايق انا كنت نازل مشوار معين و راجع تاني البيت في شارع ضلمه بتعود اروح و ارجع منهُ و انا رايح لاقيت في الشارع ده اتنين شباب لابسين كابات شكلهم سرسجيه بلطجيه معنديش فكره الحقيقه. و انا رايح من الشارع ده جاي عليهم من بعيد و هما واقفين بيبصوا عليا كويس انا كمان كنت جاي عليهم من بعيد ببص لحد م خلاص معدي من قدامهم بينا و بين بعض مفيش متر و مكمل بص في عينهم زاي م بيعملهُ. لحد هنا مفيش مشكله عادي بمعني ادق طبيعي اي شخص حصل معاه موقف شبهه كدا و الحقيقه مهتمتش. لاكن الغريب و انا راجع لاقيتهم مشيوا من المكان ده و جاين عليا بيبصوا برضو. المهم و احنا جاين من بعيد ع بعض بنعدي يعني. هما باصين عليا ف انا فضلت باصص في الارض بحيث اوصلهم فكره انا متوتر انا ضعيف معرفش ليه فكرت كدا وقتها بس حبيت اخدعهم بمعني انتوا جاين مع الشخص الغلط لحد م خلاص معديين من جمب بعض مفيش بينا كم سم و رفعت رأسي من ع الارض و بصيت علي شخص من الاتنين كانت باصه مخيفه و مفاجأه بمعني ادق رفعت راسي مره واحده بصيت في عينه وهو معدي من جمبي لاقيته اتوتر او اتخض معرفش الحقيقه وبعدين غير نظرته ليا عمل نفسه بيبص بعيد ف كملت مشي عادي و مروح بيتي لاقيت الشخص التاني الي كان ماشي جمبه ده هما كانوا اتنين زاي م شرحت. لاقيته بيقولي بقولك يسطا قولتله امممممم؟ قالي اسمك ايه وبيتكلم بنبره صوت فيها نعومه ومبتسم. قولتله بنبره صوت هاديه فيها هدوء و ثبات انفعالي اشمعنا؟ رد قالي وهو مبتسم عادي يصحبي بسأل قولتله اسمي قالي وهو مبتسم برضو تمام يصحبي و لسه هيمشي و يسيبني قولتله في حاجه ولا ايه؟ رد قالي وهو مبتسم برضو، لا يرجوله مفيش حاجه و سبني و مشي و انا فضلت واقف مكاني باصص له وهو ماشي نظره فيها استغراب الي هو انت بتسأل ليه؟ جايز تقول عليا بكبر المواضيع و ان الموضوع مش مستاهل تعمل بوست و ان الموضوع عادي جدا وهكذا انا مش بكبر المواضيع انا بس حبيت تعيشوا معايا اللحظه بمعني ادق قولت كل تفصيله من اول الموضوع للأخر بحيث لو فيه حاجه انا مش شايفها في شخص هنا شايفها من خلال شرحي للمشكله يقولي او يديني سبب بمعني هو ليه بيسأل عن اسمي ووقف اتكلم معايا انا من الاشخاص الي مش بتعدي اي حاجه و خلاص لا بحب احلل و ادور و اعرف لأن اكيد في سبب للحصل ده اكيد في حاجه انا مش شايفها عشان كدا لو في شخص مكمل معايا لحد هنا يقدر يديني سبب او وجهت نظره انا مش شخص عادي ده مش غرور بس مش انا الشخص الي يحصل معاه موقف زاي كدا ويعدي عادي اكيد في سبب اكيد في حاجه انا مش واخد بالي منها