منذ 16 ساعاتيشعر بـ مرتبك
عاوز افرغ مشاعري اللي حاسس بيها النهاردة قبل ما انام حاسس اني مبسوط شوية علشان خلصت كمية محترمة من المذاكرة اللي ورايا + انا اللي طبخت لنفسي النهاردة الاكل اللي بحبه بس متضايق شوية اني زعلت اختي وحصل بينا مشكلة صغيرة بس حليتها الحمد لله زعلان ان صحابي نزلو وانا ماعرفتش انزل معاهم علشان بذاكر مبسوط اني شربت كركديه (بعشقهه ) حاسس اني ماعدتش بحب اتعامل مع ناس غريبة يعني في دكتور في الصيدلية اللي بشتري منها هو بيحب يهزر بس انا مابطيقش هزاره هزر معايا شوية كان هاين عليا اضربه وحسيت بالاحراج من ريأكشناتي متضايق علشان المفروض هاصحا بكرة بدري علشان اروح مشوار ومش هاعرف اشبع نوم خاسس بتناقض داخلي بيني وبين نفسي انا بحب نفسي ولا بكره نفسي حبة اجلدني جلد قاسي وحبة تانيين بشجع نفسي وبحتويها عموما good night جميعا 🫶
بالتوفيق ليك وعاش بجد ياصديقي انت بطل انك بتحاول تساعد نفسك
انت شخصيه لطيفه، شيء حلو انك تكون موجود في الدنيا ❤
أنا لو كنت في سنك وكدا حقيقي كنت وصلت للجمهوريه بهذا الأسلوب فحقيقي يعني انت شخص قوي جداً وكمان اسلوبك في الكلام بيخطف كدا ومش مما ابدا فأنا بشجعك جداً يعني كمل وباذن هتوصل وهتفهم نفسك وهتقدرها كمان انت بس استمر علي القوه دي دايما ومش قصدي القوه كدراع وكدا أنا قصدي قوه عقليه عموماً يعني ربنا يقويك يا غالي ويسعدك وينولك مرادك قريب إن شاء الله 😁🤌🏻
ربنا معاك ويوفقك ويعينك ياصاحبي خليك فخور بنفسك واعمل لمستقبلك ماحدش هينفعك غير نفسك
عمتا انت باين عليك انك ما شاء الله شاطر فدراستك و واعي جدا و الدليل علي ده انك قدرت تقاوم رغبتك فإنك تنزل مع صحابك وقعدت تذاكر وكمان بتحس بمشاعر اللي حواليك وبتتبسط بالحاجات الصغيرة فأظن انك حد لطيف ومتستاهلش خالص انك تجلد ذاتك
انا مريم يخويا هجيبلك احلى كركديه اسواني فاقرب فرصه ونقعد نسمع بابلو ونحل التناقض ده كله يخويا ولا يهمك