أنا محتارة جدًا ومحتاجة آراء بصدق من ناس جربت. بدأت شغل كول سنتر ولسه أول أيام، لكن حاسة بضغط نفسي رهيب. مطلوب أعمل كذا حاجة في نفس الوقت: أرد على العميل، أفتح سيستم، أبعت إيميل، أتابع المشكلة، وأتعامل مع ناس أحيانًا بتزعق أو تتكلم بطريقة وحشة. من أول يوم حسيت إني مخضوضة ومش مرتاحة نفسيًا، لدرجة إني برجع مرهقة جدًا ومتوترة وحاسة إن المجال نفسه تقيل عليا. وفي نفس الوقت أهلي شايفين إن ده طبيعي وإن أي شغل متعب في البداية وإن لازم أستحمل عشان دي فرصة كويسة. أنا فعلًا مش عارفة: هل ده مجرد خوف وتوتر بداية وهتعود مع الوقت؟ ولا لما الإنسان يحس من جواه إن الشغل مؤذيه نفسيًا يبقى يسمع إحساسه؟ ياريت الناس اللي جربت تقول رأيها بصراحة ومن غير هجوم.