منذ يوميشعر بـ متوتر
انا السنة دى ساكنة مع واحدة صحبتى، ف فى الترم الاول الوضع كان عادى اينعم فيه تصرفات تضايق بس عادى مش مشكلة والترم عدى الحمدلله. وانا بقت فيا حاجة طول ما انا مضغوطة وعندى مذاكرة ومحتاجة اخلص وما اضيعش وقت كتير ف تعاملى بيبقى على قد الكلمة بس علشان معروفة اننا لما بنفتح فى الكلام بيعدى ساعات مش دقايق، ف المهم انا كنت ماشية كدة الترم اللى فات وما زلت يعنى خصوصا اننا فى كلية عملية وضغط وحاجة الله المستعان، دلوقتى بقى بقيت احس انى كل ما باجى السكن بحس بضيق شديد ومش بعرف اذاكر رغم انو دا مكان المذاكرة، وبقيت كمان مرتاحة اكتر وانا لوحدى وبعرف اذاكر وامشى الدنيا على عكس ما يكون معايا حد، وانا واخدة عليها عادى، ف مش عارفة اعمل ايه، بحاول اقنع نفسى انو عادى وانا بس بيتهيألى ولكن مافيش فايدة 🙂
خلاص كلميها واتفقي معاها ان في وقت للمذاكره و الكلام يبقا وقت معين بعد ما تخلصو الي وراكو
قوليلها احنا في ايام مهمه ولازم نركز في المذاكره زكده وهي اكيد هتفهم
يبقا طالمها هي حساسه لازم الكلام يكون مباشر وصريح و بطريقه حلوه
انتو السكن دا مش كل واحدة ليها اوضة طب
حاولتي تشوفي سكن لوحدك
طيب بصي.. انا كان في واحده اتحطت في المواقف بتاعتك دي بالظبط.. و فضلت خايفه تواجه.. بس كانت نصيحتي ليها.. انها تواجه اي مشكلة بمنتهى الصراحه.. و متكتمش.. مع الوقت بقت زميلتها فهمت طباعها و بقوا متوافقين.. عشان كدا بقولك واجهي و فكري في حلول.. و على فكره.. حتى لو مش عايزه تتكلمي معاها.. قوليلها.. الفكرة بس انك تكوني واضحه معاها و مع مشاعرك و متكتميش و تحلي المشاكل اول بأول عشان ميتراكمش جواكي حاجه.. و بالذات انك في كلية عملية..يعني محتاجه تركيز و مفيش حاجه تشتتك.. جربي بس و واحده واحده ان شاء الله كل الامور تبقى طيبه
انا متفهم.. و عارف انك محتاجه تغيري الوضع.. الاول بس حاولي.. و صدقيني انتي في وضع احسن كويس كتير عن اي مكان تاني.. فكري بس في انك ازاي تتكلمي معاها و تتفقوا.. و دا الاحسن
طباع الناس مش بتبان بسهوله من اول تعامل او تعارف.. بس في حل اسهل.. ان لو في زميلة ليكي في الكلية و تعرفيها و تعرفي تعاملها و تكون في سكن.. وقتها حاولي تروحي معاها.. غير كدا بلاش تجازفي.. و بقولك كل دا عن تجارب شوفتها و سمعتها من زمايل و مواقف اتحكت.. ف انا فاهمك و متفهم وضعك.. و عشان كدا بحاول انقلك وجهة نظري و ان شاء الله ربنا ييسرلك الخير
مش هترتاحي و انتي لوحدك و مش هتحسي بأمان زي ما انتي دلوقتي.. كدا اهون كتير بجد.. حاولي معلش تتعاملي مع المشكلة مهما كانت.. و خلي جواكي جملة ان مهما كانت الظروف و المواقف صعبه.. ف هي اهون كتير..
حاولي على قد ما تقدري تفكري في حلول.. و اعملي اللي عليكي الاول في مكانك.. و متمشيش عشان مش سهل.. وكذلك لو دي من سلبياتها.. ف في اماكن تانيه سلبيات اكتر و اصعب.. و لو مشيتي.. هتتمني ترجعي مكانك.. ف جربي تتكلمي معاها.. و متزهقيش من كدا.. كدا اهون كتير من انك تتصادمي مع ناس تانيه اصعب.. و طباع اصعب.. و ظروف اصعب..
ممكن يكون حسد محتاجة تلتزمى بالرقية والاذكار ويفضل،بعد كدا متبقوش نفس الكلية او حتى على الاقل مش نفس الدفعة
مش عارف بس ممكن تكون عامله حاجه فعلا عليكي بحصنك يافتاة اذكارك ووردك. من القران
بصي استبعدي كلامي بس هي مستواها الدراسي او مستواها عموا زي مستوفي و لا اكتر و اقل
عليكى بالاذكار وحصنى نفسك واقرى سورة البقرة
هاتو كمان واحده معاكو في السكن ينشغلو سوا وانتي تذاكري براحتك