انا عموما عمري محكيت لحد مشاعري انا 19 سنة وعندي مشاكل نفسية من وانا صغير مع اهلي وأصحابي وكلو كنت بتعامل بعفوية وطيبة وغلط ف غلط كنت مش بعرف البس ولا حد مهتم بيا كنت باخد رايي اهلي الي هو اصلا من منظور الي يريحهم هما مش مهم انا من كتر النقد وانا صغير وأنهم عاوزني امشي ع دماغهم بس معتش بحكي حاجه تخصني لحد نهائي قفلت ع نفسي ومشاعري وتحولت من شخص عفوي لحد بيراجع نفسه مليون مره قبل م اقول اي حاجه بس كنت بحكي مثلا لواحد صاحبي جزء بسيط من الي مدايقني ومع مرور الوقت معتش بحكي لاي حد اي تفصيلة ف حياتي بقيت حرفيا مش سعيد بأي حاجه ولا مستمتع بأي حاجه مهما كانت خروجة أو تجمع اوي اي حاجه بقيت بخاف اصلا وبحس ب خطر لو لقيت حد بدأ يهتم بيا وعاوز نتكلم وانا الي بقفل العلاقة حرفيا بقيت حتي بعد م اهتميت بنفسي وجسمي مش مبسوط عايش حياة فيك خروجة مع صحابي حتي مبعرفش اتكلم معاهم بفضل ساكت مبحبش حد ينتقضني بقي معنديش هدف ف الحياة حرفيا معنديش أو بمعني اصح معنديش الشخص الي اعمل عشانوو دا لاني حقيقي من وانا صغير مبعملش حاجه لنفسي دائما ببق عاوز اوصل لحاجه معينه علشان بس الي حواليا حرفيا شاكك ف نفسي طريقتي كل حاجه ومحدش يعرف اني حرفيا عندي مشاكل نفسية وبقي عندي رهاب اجتماعي طبعا وكل مشاكلوو ومش قادر حتي اقعد مع نفسي واوحها مبعرفش اشرح أو اوصل فكرة كويس وبفضل اني اسكت ابويا عملي أزمة كبيرة ف حياتي من وانا صغير ف طريقتو وإجبارو ومزاجو وكل حاجه مبعرفش ومش بحب اتكلم معاه بتجاهل اي حاجه بيعملها وبعديها مش عارف احبو لأن شايف تفكيرة وطريقته غلط ف غلط ولأنو عمل مواقف كتير مش قادر ابصله بنظره حلوة ولأنو مش مريح وبيدخل ف أدق التفاصيل وهكذا كل العيلة مش عارف اعيش مش عارف انا عاوز اي مش عارف احقق حاجه فعلا معنديش حد احقق علشان حاجه حاسس اني عايش ف وهم وبهرب حاسس اني مش مقتنع بنفسي وكمان حاسس اني معتش عاوز اتعافي لأن حرفيا والله بقيت بحس اني مقبول بس برضو مش عاوز اتعافي واقف عند نقطة مبتحركش بهرب علطول وبتجاهل وبنسي علشان اعدي يومي مكنتش راسم ف خيالي كدا مكنتش عاوز كدا بقيت ساكت مش قادر اتحرك من النقطة الي انا فيها واكن عقلي بطل تفكير
عندي ليك خبرين احلا من بعض ، الاول ان في ناس كتير جدا زيك كدا بالزبط بل اسوء حبة كمان ، الخبر التاني ان الناس دي تعافت وبقت زي الفل ، وشاركت كذا طريقة تخطو بيها الموضوع دا ، القاسم المشترك بين كل الطرق ان الواحد لازم يحاول يتقرب من ربنا ودي اهم خطوة ، انتا لو تقربت من ربنا هيغنيك عن كل البشر ف العموم بس لازم تتقرب صح تفهم ربنا عايز مننا ايه بالزبط وتحاول تعمله على قد م تقدر ، تاني خطوة يا معلم هتحاول تعمل تصفية للناس الي حواليك ، هتنعزل تماما عن الناس السلبية الي بتحبطك او بتنتقدك باستمرار او بتحاول تصغر منك ، وتبدأ تفرز كويس جدا علاقاتك مع الي حواليك ، ثالث خطوة ان انتا تحاول تلاقي صحبة حلوة ، بترفع معنوياتك بتشجعك ، معظم كلامهم إيجابي، رابع حاجه ودي تاني اهم حاجه بعد قربك من ربنا ان انتا تشتغل على طريقة تفكيرك ، لو فضلت تفكر بالطريقة الي بتفكر بيها دي مش هتلاقي اي تحسن لو عملت ايه ، لازم تبتدي تسيطر على طريقة تفكيرك عشان تفكيرك ميسطرش عليك ، وبعدين انتا بقيت 19 سنه يا معلم يعني رجل بالغ عاقل أسد كدا ، اتمنى انك تبتدي تتصرف على هذا الأساس
بتصلي ؟