جوا دماغى حاليا دوشة عمالة بتززززن فهحاول أتخلص منها هنا.. الفكرة انى حد صامت اغلب الوقت مش لأنى هادية لكن الoverthinking بيخلص كل طاقتى.. ها بقى اخرتها ايه يعني هفضل اخطط ومعملش حاجة لحد امتى؟ ولحد أمتى هيفضل متملكني شعور الغربة عن كل شئ..ناس وأماكن وانى مش مفهومة بالنسبة لأى حد وساعات انا نفسي مش ببقى فاهمانى..!! هفضل لأمتى ابين عكس الى جوايا لمجرد انى معتقدة انى كدا بحمى مشاعري لحد م بقيت خايفة وببعد عن كل حاجة طول الوقت.. انا عايزة أعرف انا مين ومحتاجة ايه؟ واقع مش عارفة اندمج معاه وخيال مش عارفة انفصل عنه وفنفس الوقت مش عارفة ادمجه بشكل أعرف اعيشه ف حياتى الواقعية.. عايزة أعيش بطريقة بحبها بس فنفس الوقت خايفة أنجرف ورا التيار ف ياخدنى بعيد عن الكفرة الى ربنا خالقني عشانها.. ففترة ما من حياتى قررت متنازلش انى مش هكون مع حد الا لما أحس انه قاصدنى أنا وكنت رافضة فكرة الصالونات بس فنفس الوقت انا كنت متغلقة جدا ع نفسي ولما كان بيحصل شئ شبهة الى ف دماغى مكنتش بحس انى مفهومة بالطريقة ال انا محتاجاها . الانسان طول م هو مش مفهوم بيحس انه لوحده وشعوره بالعجز بيخلى أفكاره تتخبط أكتر ..حتى لو حد من الاهل او الصحاب سمعك هيساعدك بشوية أفكار وشكرا. لكن شخص فاهمك موجود عشانك انت مخصوص وانت كمان موجود عشانه ف لما افكارك تتلغبط وتدخل ضلمتك هو يخرجك ويرتب معاك أفكارك واحدة واحدة.. محدش بيعرف يكمل لوحدة مهما حاولت تتعايش ولكن الفكرة ان لسة مجاش الشخص دا ومينفعش تملى مكانه بأى حد لان وقتها هتبقى وحيد وتعيس.. جربت أشتغل معرفتش متحملتش فكرة الشغل عكس طبيعتي.. جربت اتطوع ف مكان استمريت كذا سنة بس أكيد مش هفضل طول عمري.. جربت أمشي ورا شغفى وببدأ بس حماسي كان بيخلص فجأة انا عارفة ان في ناس بتعرف توازنها بس انا مش عارفة اعمل دا .. حااولت ادخل ف جو التدين والالتزام انا كنت فاكرة ان القصة حلال وحرام وبس لكن طلعت مش كدا وبس واكتشفت ان كل مجموعة منهم عندها افكار وقناعات مختلفة عن غيرها.. وانا كنت عايزة أكون انسانة عادية أحاول ارضى ربنا وبس لكن متحسبش ع حد.. بحاول حالبا اخد خطوة لورا وابص لكل حاجة واقرر انا عايزة ايه حتى لو هاخد قرارات نفسيا صعبة عليا بس انا عايزة اعمل حاجة اعمل اى حاجة..